Author: નોબત સમાચાર
'ગ્રીન ખંભાળીયા' ઝુંબેશ હેઠળ નગરના ડોકટરોએ રપ૧ જેટલા વૃક્ષ લીધા દત્તક
નગરને હરિયાળુ બનાવવા બે હજાર વૃક્ષ વાવીને ઉછેરવાની નેમ
ખંભાળીયા તા. ૧૫: ખંભાળીયાને હરિયાળુ બનાવવા માટે શહેરના અગ્રણી તથા પર્યાવરણ મુદ્દે જાગૃત લોકો દ્વારા શરૂ થયેલ ગ્રીન ખંભાળીયાની ઝુંબેશને લોકો દ્વારા ખૂબ જ સારો પ્રતિસાદ સાંપડી રહ્યો છે તથા સંસ્થા દ્વારા શહેરમાં જુદા જુદા વિસ્તારોમાં વૃક્ષારોપણ ઉછેર કરવા બે હજાર વૃક્ષોનું આયોજન હાથ ધરાયું છે. જેમાં અગ્રણીઓ ડો. પડીયા, પરેશભાઈ મહેતા, પરબતભાઈ ગઢવી, ધીરેનભાઈ બદીયાણી, કિશોરભાઈ ભાયાણી વિગેરે જહેમત ઉઠાવી રહ્યા છે.
તાજેતરમાં તબીબો દ્વારા આ ઝુંબેશને મોટું સમર્થન પ્રાપ્ત થયું હતું. ડો. સોમાત ચેતરીયાએ આ ઝુંબેશમાં સૌથી મોટું ડોનેશન રપ૧ વૃક્ષો દત્તક લેવાનું જાહેર કર્યું હતું. એક વૃક્ષ દત્તકના ૧પ૦૦ રૂપિયા નક્કી કરાયા છે. આ ઉપરાંત ડો. અમિત નકુમ દ્વારા પ૧, ડો. જોશી દ્વારા ૧૧ તથા મૂળ ખંભાળીયા હાલ રાજકોટના ડો. સંજય દેસાઈ દ્વારા પણ વૃક્ષો દત્તક જાહેર કરાયા હતાં.
ખંભાળીયા શહેરના અગ્રણીઓ, ડોકટરો, વિવિધ વેપારી મંડળો દ્વારા ખૂબ જ સારો સહયોગ ગ્રીન ખંભાળીયાને મળી રહ્યો હોય જો ર૦૦૦ વૃક્ષો વાવીને ઉછેરવા સાથેનો આ પ્રોજેકટ અમલમાં આવશે તો ખંભાળીયા હરિયાળું બની જશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
