Author: નોબત સમાચાર
મોડપરમાં નણંદ-ભોજાઈને ગાળો ભાંડી ધમકી અપાઈઃ
નપાણીયા ખીજડિયામાં એક યુવાનને માર મારી કરી નખાયુ ફ્રેક્ચરઃ અન્ય બેને પણ ધોકાવાયાજામનગર તા. ૧૩: લાલપુરના મોડપર ગામમાં ગઈકાલે સાંજે ધસી આવેલા બે શખ્સે એક મહિલા તથા તેના નણંદને ગાળો ભાંડી ઢીકાપાટુથી ધોકાવ્યા હતા. જ્યારે કાલાવડના નપાણીયા ખીજડિયા ગામમાં એક યુવાનને બે શખ્સે છરી-પાઈપથી માર મારી ફ્રેકચર કરી નાખ્યું હતું. છોડાવવા વચ્ચે પડેલા અન્ય બેને પણ માર પડ્યો હતો.
લાલ૫ુર તાલુકાના મોડપર ગામમાં રહેતા ભાવિશાબેન કેવલભાઈ કવા નામના મહિલા ગઈકાલે સાંજે પોતાના ઘરે હતા ત્યારે ખંભાળિયાના યોગેશ્વર નગરમાં રહેતા રવિ રામભાઈ નંદાણીયા, કાનો રામભાઈ નંદાણીયા ધસી આવ્યા હતા.
આ શખ્સોએ ભાવિશાબેન નું પેહેરલુ સ્વેટર પકડી લઈ છરી બતાવી કેવલને બહાર કાઢવાનું કહી છરી બતાવી હતી. આ વેળાએ ભાવિશાબેનના નણંદ વચ્ચે પડતા તેણીનો પણ દુપટ્ટો ખેંચી આ શખ્સોએ ગાળો ભાંડી હતી અને બંને મહિલાને ઢીકાપાટુથી માર મારવા ઉપરાંત કેવલને મારી નાખવાની ધમકી ઠપકારી હતી. મેઘપર પોલીસ સ્ટેશનના ભાવિશાબેને ફરિયાદ કરી છે.
કાલાવડ તાલુકાના નપાણીયા ખીજડીયા ગામના નીખીલ રમેશભાઈ પરમાર નામના યુવાનને ગઈરાત્રે જૂના બાલમંદિર પાસે વિજય આલજીભાઈ પરમાર, જતીન હીરાભાઈ પરમાર ઉર્ફે જીજ્ઞેશ નામના બે શખ્સે પાઈપ, છરી વડે હુમલો કરી માર માર્યાે હતો. જેમાં નીખીલને ફ્રેકચર સહિત ઈજા થઈ છે.
આ વેળાએ વચ્ચે પડનાર સાગર અમરશીભાઈ, દેવજી રામજીભાઈ પરમારને પણ ધોકાવી નખાયા હતા. કાલાવડ ગ્રામ્ય પોલીસ મથકમાં નીખીલ પરમારે ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
