વાર્ષિકોત્સવોની ઉજવણી ૧૮ થી ૨૩ ડિસેમ્બર સુધી થશેઃ વકતૃત્વ સ્પર્ધા, ૧૫૦ કુંડી યજ્ઞનું ભવ્ય આયોજન

Author: નોબત સમાચાર

વાર્ષિકોત્સવોની ઉજવણી ૧૮ થી ૨૩ ડિસેમ્બર સુધી થશેઃ વકતૃત્વ સ્પર્ધા, ૧૫૦ કુંડી યજ્ઞનું ભવ્ય આયોજન

જામનગરના આર્યસમાજ અને શ્રીમદ્દ કન્યા વિદ્યાલયોના

જામનગર તા. ૧૩: જામનગરના આર્યસમાજના ૯૭મા તથા આર્યસમાજ સંચાલિત શ્રીમદ્દ દયાનંદ કન્યા વિદ્યાલયના ૭૭માં વાર્ષિકોત્સવનું આયોજન કરવામાં આવ્યું છે.

જેમાં તા. ૧૮.૧૨.૨૪ ના સવારે ૧૧ વાગ્યે સ્વ. છગનલાલ મહેતા તથા સ્વ. ગંગાબેન મહેતાની પુણ્ય સ્મૃતિમાં ધો. ૬ થી ૮ ની વિદ્યાર્થિનીઓ માટે, તા. ૧૯-૧૨ ના સવારે ૧૧ વાગ્યે સ્વ. મહેશભાઈ રામાણી તથા સ્વ. ભાણજીભાઈ રામાણીની પુણ્ય સ્મૃતિમાં ધો. ૯ થી ૧૦ની વિદ્યાર્થિનીઓ માટે, તા. ૨૦-૧૨ના સવારે ૧૧ વાગ્યે સ્વ. જયંતિલાલ ઠકકર તથા સ્વ. ઉષાબેન બરછાની પુણ્ય સ્મૃતિમાં ધો. ૧૧-૧૨ની વિદ્યાર્થિનીઓ માટે વકતૃત્વ સ્પર્ધા યોજાશે.

તા. ૧૨.૧૨.૨૪ ના સવારે ૧૦ વાગ્યાથી પ્રદર્શન ગ્રાઉન્ડ સામે ડીસીસી સ્કૂલના મેદાનમાં ૧૫૦ કુંડી પર્યાવરણ શુદ્ધિ યોજાશે.

તા. ૨૩.૧૨.૨૪ના બૃહદ્ સૌરાષ્ટ્ર આર્ય પ્રાદેશિક સભાના તત્વાવધાનમાં સ્વામી શ્રદ્ધાનંદ બલિદાન દિવસ સમારોહ અંતર્ગત વિશેષ સભા તથા પ્રાર્થના પુસ્તક વિમોચનનો કાર્યક્રમ આર્યસમાજમાં સવારે ૯ થી ૧૨ વાગ્યા સુધી યોજાશે.

જો આપને આ પોસ્ટ ગમી હોય તો શેર કરો...