Author: નોબત સમાચાર
નાની ખાવડી પાસે બોલેરો પલ્ટી મારી જતાં સિક્કાના યુવાનનું ઈજા થતા મૃત્યુ
ધ્રાફા-વાલાસણ રોડ પર બાઈકે સર્જયો અકસ્માતઃ
જામનગર તા. ૧૩: જામનગરના સિક્કા ગામથી સિક્કા પાટીયા વચ્ચે આવેલા નાની ખાવડી ગામ નજીક ગઈ તા.૧૦ની રાત્રે એક બોલેરો ગોથું મારી ગઈ હતી. તેમાં જઈ રહેલા સિક્કા ગામના યુવાનનું ગંભીર ઈજા થવાથી મૃત્યુ નિપજ્યું છે. જામજોધપુરના ધ્રાફા પાસે એક બાઈકે અકસ્માત સર્જતા વાલાસણના યુવાનને ફ્રેક્ચર સહિતની ઈજા થઈ છે.
જામનગર તાલુકાના સિક્કા ગામમાં જુમ્મા મસ્જિદ નજીક વસવાટ કરતા મહેબુબ ગુલામ ખલીફા નામના વ્યક્તિ ગયા સોમવારની રાત્રે જીજે-૧૦-ડીએન ૫૫૯૫ નંબરની બોલેરો લઈને સિક્કા પાટીયા તરફ જવા માટે નીકળ્યા હતા.
તેમની સાથે સિક્કામાં રહેતા અબ્દુલભાઈ મુસાભાઈ ભગાડનો પુત્ર સોયબ (ઉ.વ.૧૯) પણ સાથે હતો. તે મોટર જ્યારે નાની ખાવડી ગામ પાસે હોટલ નજીક પહોંચી ત્યારે કોઈ રીતે મહેબુબે સ્ટીયરીંગ પરનો કાબુ ગૂમાવતા બોલેરો ગોથુ મારી ગઈ હતી.
આ અકસ્માતમાં ગંભીર ઈજા પામેલા સોયબ ભગાડનું મૃત્યુ નિપજ્યું હતું. જ્યારે સાથે રહેલા અન્ય વ્યક્તિઓને ઈજા થઈ હતી. અબ્દુલભાઈએ સિક્કા પોલીસ સ્ટેશનમાં મહેબુબ ગુલામ સામે ફરિયાદ નોંધાવી છે.
જામજોધપુર તાલુકાના વાલાસણ ગામના મનોજભાઈ લખમણભાઈ ભડાણીયા ગઈ તા.૩૦ની રાત્રે વાલાસણથી ધ્રાફા ગામ તરફ જવા માટે જીજે-૧૦-ડીએસ ૫૮૭૫ નંબરના મોટરસાયકલમાં નીકળ્યા હતા. તેઓ એક દરગાહ નજીક આવેલી પોતાની વાડી પાસે ઉભા હતા ત્યારે જીજે-૧૦-ડીડી ૭૦૦૪ નંબરનું મોટરસાયકલ ધસી આવ્યું હતું. તેના ચાલકે પાછળથી ઠોકર મારતા મનોજભાઈને ફ્રેક્ચર સહિતની ઈજા થઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
