Author: નોબત સમાચાર
અગાઉની અદાવતના કારણે ધરારનગરના યુવાન પર ટોળાંએ ધોકા-પાઈપથી કર્યાે હલ્લો
૫ોલીસમાં ફરિયાદની તજવીજઃ
જામનગર તા. ૧૩ઃ જામનગરની ડીકેવી કોલેજ પાસેથી ગઈરાત્રે પસાર થતાં એક યુવાનને કારની ઠોકરે ચઢાવાયા પછી સાતથી આઠ શખ્સોએ ધોકા-પાઈપથી લમધારી નાખ્યો હતો. જૂની અદાવતના કારણે હુમલો કરવામાં આવ્યો હોવાનું જાણવા મળી રહ્યું છે. ઈજાગ્રસ્તે પોલીસમાં ફરિયાદની તજવીજ કરી છે.
જામનગરના ધરારનગર વિસ્તારમાં રહેતો નાસીર ઈબ્રાહીમ વાઘા નામનો યુવાન ગઈરાત્રે પી.એન. માર્ગ પર આવેલી ડીકેવી કોલેજ નજીકથી પસાર થતો હતો ત્યારે ત્યાં આવી ચઢેલી એક મોટરે તેને ટક્કર મારી હતી.
ત્યારપછી મોટરમાંથી ઉતરેલા શખ્સો અને અન્ય શખ્સો મળી સાતથી આઠ વ્યક્તિએ પાઈપ-ધોકાથી હુમલો કરી નાસીરને બેફામ માર માર્યાે હતો. ઈજા પામેલા નાસીરને સારવાર માટે જી.જી. હોસ્પિટલમાં ખસેડવામાં આવ્યો છે. આ બનાવની જાણ થતાં સિટી-બી ડિવિઝન પોલીસ સ્ટેશનનો સ્ટાફ દોડી આવ્યો હતો.
જૂની અદાવતના કારણે આ યુવાનને કારની હડફેટે લેવાયાની અને તે પછી માર મરાયાની આશંકા વ્યક્ત કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
