Author: નોબત સમાચાર
જામનગરમાં શ્રીમદ્ વલ્લભાચાર્ય મહાપ્રભુજીના પ્રાગટ્ય મહોત્સવ નિમિત્તે વિવિધ ધાર્મિક કાર્યક્રમો
વૈષ્ણવ સમાજ દ્વારા તા. ૪-પ મે ના દિવસોમાં
જામનગર તા. ર૯: જામનગરમાં પુષ્ટી સંપ્રદાયના સ્થાપક શ્રીમદ્ વલ્લભાચાર્યજીના પ૪૭ મા પ્રાગટ્ય મહોત્સવ નિમિત્તે આગામી તા. ૪ તથા પ મે દરમિયાન પ્રભાતફેરી, શોભાયાત્રા અને ધર્મસભાનું આયોજન વૈષ્ણવ સમાજ દ્વારા મોટી હવેલીના હરિરાયજી મહારાજની અધ્યક્ષતામાં કરવામાં આવ્યું છે.
વલ્લભાચાર્ય જયંતી નિમિત્તે મોટી હવેલીમાં આગામી તા. ૪ ના સવારે ૬ વાગ્યે મંગલા આરતી પછી ૭ વાગ્યે વૈષ્ણવ સમાજની વાહનો સાથેની પ્રભાતફેરી મોટી હવેલીથી પ્રસ્થાન થઈને સેતાવાડ, ખંભાળિયા ગેઈટ, દિગ્વિજય પ્લોટ, સુમેર ક્લબ રોડ, સાત રસ્તાથી ગૌરવ પથ પરના જિ. પંચાયત, લાલબંગલા, ટાઉનહોલ, ત્રણબત્તી, બેડીગેઈટ, કે.વી. રોડ, સુભાષ બ્રીજથી મોટી હવેલીની ગૌશાળા થઈને મહાપ્રભુજીની બેઠકમાં સંપન્ન થશે.
ત્યારપછી સંધ્યા આરતીના દર્શન પછી શોભાયાત્રા મોટી હવેલીથી વાણિયાવાડ, ચાંદીબજાર સર્કલ, માંડવી ટાવર, હવાઈચોકથી સત્યનારાયણ મંદિરથી જલાની જાર થઈને મોટી હવેલીમાં મહાપ્રભુજીના ચિત્રજીના પૂજન સાથે વિરામ પામશે.
જ્યારે તા. પાંચ મે ના રવિવારે સાંજે વાગ્યા પછી મોટી હવેલીમાં આવેલા વલ્લભ ચોકમાં ઉત્સવ નાયકના ચરિત્ર ઉપર હરિરાયજી મહારાજ, વલ્લભરાયજી મહોદય, રસાદ્રરાયજી અને પ્રેમાદ્રરાયજી સહિતના વિદ્વાનો ધર્મસભાને સંબોધન કરશે. આ સમયે મોટી હવેલીના સેવાભાવી વડીલોનું હરિરાયજીના હસ્તે પ્રશસ્ત્રિપત્ર દ્વારા સન્માન કરવામાં આવશે તેમ વૈષ્ણવ સમાજના પ્રમુખ વજુભાઈ પાબારીએ જણાવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
