Author: નોબત સમાચાર
કચ્છી ભાનુશાળી સમાજ દ્વારા ઓધવધામ જામનગરના શ્રી મંદિરોમાં આવતીકાલે ૪૦ મા પાટોત્સવની ઉજવણી
આજે રાત્રે દિ.પ્લોટ- સમાજની વાડીમાં સંતવાણી
જામનગર તા. ર૯ : સમસ્ત ભાનુશાળી જ્ઞાતિના કુળદેવી હિંગલાજ માતાજી અને સદ્દગુરૂ શ્રી ઓધવરામ મહારાજ શ્રી વાલરામ મહારાજ, શીતલા માતાજી તથા શ્રી કૃષ્ણ ભગવાનના મંદિરોના પાટોત્સવનો દ્વિદિવસીય ઉજવણી આજે તા. ર૯ અને તા. ૩૦ એપ્રિલના દિવસે ભક્તિભાવપૂર્વક કરવામાં આવશે.
પરમ પૂજ્ય સંત શ્રી હરિદાસજી મહારાજશ્રીના આશીર્વાદ સાથે ઉજવવામાં આવનાર શ્રી મંદિરોના પાટોત્સવ પ્રસંગે આજે તા. ર૯-૪-ના સોમવારે રાત્રે ૯ થી ૧ દરમ્યાન પ૮ દિ. પ્લોટ, સમાજની વાડી પાસે ભવ્ય સંતવાણી સાથે જેમાં મુંબઈના ભજનિક વસંતભાઈ ભાનુશાળી તથા જીતુભાઈ વિશરીયા સંતવાણીનું રસપાન કરાવશે.
આવતીકાલે તા. ૩૦-૪ ના વહેલી સવારથી હોમયજ્ઞ વસ્ત્રાભૂષણ શણગાર, નૂતન ધ્વજારોહણ, મહાઆરતીના ધાર્મિક કાર્યક્રમો યોજવામાં આવ્યા છે. સાંજે ૪-૩૦ વાગ્યે સમસ્ત ભાનુશાળી ભાવિકોની ઉપસ્થિતિમાં ઓધવધામથી શોભાયાત્રા પ્રસ્થાન થશે. જે હિરજી મિસ્ત્રી રોડ થઈ અંડર બ્રીજ પાસે આવેલા ભાનુ પાર્ટીપ્લોટમાં સંપન્ન થશે.
આ શોભાયાત્રામાં હજારો ભાવિકો, શણગારેલા રથ, ડી.જે. ના સંગીત સુરાવલીઓ સાથે સૌર્ય ગીતો, ભક્તિ ગીતોના નાદ સાથે વિવિધ માર્ગો પરથી પસાર થશે. આ શોભાયાત્રામાં ભાનુશાળી સમાજની બાળાઓ ખાસ વેશભૂષામાં સજજ થઈને દેશભક્તિની કૃતિઓ રજુ કરશે. સાંજે ૭.૩૦ વાગ્યે શોભાયાત્રા પૂર્ણ થશે. ત્યાર પછી પંદર હજાર જેટલા જ્ઞાતિજનો માટે મહાપ્રસાદ રૂપી ભોજનની વ્યવસ્થા ભાનુપાર્ટીપ્લોટમાં કરવામાં આવી છે.
સંતવાણી સ્થળે તેમજ ભાનુપાર્ટીપ્લોટમાં ભાનુશાળી જ્ઞાતિના દિલેર દાતાઓ તથા મહાનુભાવોનો સ્વાગત સન્માન સમારોહ યોજવામાં આવ્યો છે. ઓધવધામના શ્રી મંદિરોનો પાટોત્સવ પ્રસંગ સૌના ઉત્સાહ ઉમંગ સાથે રાત્રે સંપન્ન થશે. સમગ્ર કાર્યક્રમને સફળ બનાવવા સમાજના પ્રમુખ મનિષભાઈ કટારીયાની આગેવાની હેઠળ કારોબારી કમિટી જહેમત ઉઠાવી રહેલ છે.
ઓધવધામ શ્રી મંદિરોમાં સમગ્ર પાટોત્સવ પ્રસંગમાં ભાગ લેવા શ્રી કચ્છી ભાનુશાલી જ્ઞાતિજનોને નિમંત્રણ પાઠવવામાં આવ્યું છે. તેમ સુરેશભાઈ આલારીયા (મંત્રી) એ જણાવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
