Author: નોબત સમાચાર
જામનગર, રાજકોટમાંથી બે બાઈક ચોરી કરનાર કાયદાથી સંઘર્ષિત બે કિશોર ઝબ્બે
એક બાઈકને બીજા બાઈકથી ધક્કો મારીને લઈ જતા'તાઃ
જામનગર તા. ૨૯: જામનગરના સુભાષબ્રિજ નીચેથી એક બંધ બાઈકને બીજા બાઈકથી ધક્કો મારીને લઈ જતાં કાયદાથી સંઘર્ષિત બે કિશોરની પોલીસે અટકાયત કરી પૂછપરછ કરતા બંને બાઈક તેઓએ ચોરી કર્યાની કબૂલાત આપી છે.
જામનગરના સાતરસ્તા નજીક એમ.પી. શાહ કોલેજ પાસેથી એક આસામીનું જીજે-૧૦-એબી ૫૫૯૯ નંબરનું મોટરસાયકલ ચોરાઈ ગયું હતું તેની ફરિયાદ થયા પછી સિટી બી ડિવિઝન પોલીસ સ્ટેશનના સર્વેલન્સ સ્ટાફ દ્વારા પીઆઈ પી.પી. ઝાની સૂચના તથા પીએસઆઈ કે.ડી. જાડેજાના વડપણ હેઠળ તપાસ શરૂ કરવામાં આવી હતી.
તે દરમિયાન સ્ટાફના એએસઆઈ રઘુભા પરમાર, ક્રિપાલસિંહ સોઢા, જયદીપસિંહ જાડેજાને બાતમી મળી હતી કે, સુભાષબ્રિજ નીચે નદીના પટમાંથી બે શખ્સ એક બંધ બાઈકને બીજા બાઈકથી ધક્કો મારીને લઈ જઈ રહ્યા છે. તે બાતમીના આધારે દોડી ગયેલી પોલીસે કાયદાથી સંઘર્ષિત બે કિશોરને પકડી લઈ પૂછપરછ કરતા આ વ્યક્તિઓએ બંને બાઈક ચોરાઉ હોવાનું કબૂલ્યું છે.
આ વ્યક્તિઓએ એમ.પી. શાહ કોલેજ પાસેથી બાઈક ઉઠાવવા ઉપરાંત બે મહિના પહેલા રાજકોટમાંથી પણ એક બાઈક ઉઠાવ્યાની કબૂલાત કરતા રૂ. ૪૦ હજારના બંને બાઈક કબજે કરી પોલીસે પૂછપરછ હાથ ધરી છે. આ ગુન્હાને ઉકેલવા માટે તથા વાહનોના નંબર સહિતની માહિતી ચકાસવા પોલીસે પોકેટ કોપની મદદ મેળવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
