Author: નોબત સમાચાર
જામનગરનાં હોલ પાછળ દબાણો દૂર થતા કરોડોની જગ્યા થશે ખુલ્લી
રંગમતિ-નાગમતિના દબાણો હટાવવાનો અંતિમ તબકકોઃ આજે એક લાખ ફૂટ જગ્યા ખુલી કરાવવાની કવાયત
જામનગર મહાનગરપાલિકા દ્વારા રંગમતિ-નાગમતિ નદી પરના દબાણો દૂર કરવાની કામગીરી અંતિમ તબકકામાં છે. મારૂ કંસારા હોલની પાછળના વિસ્તારમાં રંગમતિ નદીના પટ્ટમાં ખડકાયેલા ૨૯ દબાણો દૂ કરવા કાર્યવાહી આજે હાથ ધરાઈ છે. અંદાજે ૨૦ કરોડ રૂપિયાની કિંમતની એકાદ લાખ ફૂટ જેટલી જગ્યા ખુલ્લી કરાવવા માટે ૬૦ થી વધુનો સ્ટાફ કામે લાગ્યો છે. જામનગર મહાનગરપાલિકા દ્વારા રંગમતી- નાગમતિ નદીના દબાણોને ખુલ્લા કરાવવા માટેની કામગીરી આજે અંતિમ તબક્કામાં છે, ત્યારે મારું કંસારા હોલ પાછળના ભાગમાં રંગમતી નદીના પટમાં ખડકાયેલા ૨૯ જેટલા દબાણોને દૂર કરવા માટે આજે વરસતા વરસાદે પણ કામગીરી હાથ ધરવામાં આવી હતી. જામનગર મહાનગરપાલિકાના મ્યુનિ. કમિશનર ડી.એન. મોદીના સીધા માર્ગદર્શન હેઠળ એસ્ટેટ શાખા ઉપરાંત ફાયર બ્રિગેડ, લાઈટ શાખા, ટી.પી.ઓ. બ્રાન્ચ સહિતની ૬૦ થી વધુ ના સ્ટાફની ટુકડી કામે લાગી હતી. જેના માટે એક હિટાચી મશીન, ત્રણ જેસીબી મશીન, ૬ થી વધુ ટ્રેક્ટરને કામે લગાડવામાં આવ્યા હતા, અને ૨૯ જેટલા દબાણો દૂર કરવામાં આવી રહૃાા છે. જેમાં રહેણાંક મકાનો ઉપરાંત કેટલાક વાડા બાંધવામાં આવ્યા હતા. જે આજે તમામ તોડી પાડવામાં આવી રહૃાા છે. અંદાજે એકાદ લાખ ફૂટલી ફૂટ જેટલી જગ્યા ખુલ્લી કરાવવામાં આવી રહી છે, જેની બજાર કિંમત અંદાજે ૨૦ કરોડ રૂપિયા જેટલી થવા જાય છે. જે આખરી કામગીરી આજે ભારે પોલીસ બંદોબસ્તની વચ્ચે આટોપી લેવામાં આવી હતી. સિટી એ. ડિવિઝનનો પોલીસ સ્ટાફ મદદમાં રહૃાો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
