Advertisement
Author: નોબત સમાચાર

વાડીનાર નજીક ખાનગી કંપનીના ગેઈટ પાસે અકસ્માતઃ યુવતી સહિત બેને ઈજા

નાનકપુરી પાસે સ્કૂટરચાલક મહિલાને અકસ્માતઃ

                                                                                                                                                                                                      

જામનગર તા. ૧૭: જામનગરના નાનકપુરી વિસ્તારમાં દસેક દિવસ પહેલાં બપોરના સમયે શાળાએથી ઘેર જતા એક મહિલાના સ્કૂટરને પાછળથી મોટરે ટક્કર મારી હતી. ફ્રેક્ચર થઈ જતા આ મહિલાને સારવારમાં ખસેડાયા હતા. વાડીનાર નજીક ખાનગી કંપનીના ગેઈટ પાસે રવિવારે સવારે એક બાઈકે અકસ્માત સર્જતા બે વ્યક્તિને ઈજા થઈ હતી.

જામનગરના રણજીત સાગર રોડ પર આવેલા અટલ બિહારી બાજપાયી આવાસની ડી વીંગમાં વસવાટ કરતા મૌલિકભાઈ રતીલાલ શુકલના પત્ની ગઈ તા.૩ની બપોરે નાનકપુરી નજીકથી જીજે-૧૦-ડીએ ૬૦૩૦ નંબરના સ્કૂટરમાં શાળાએથી ઘર તરફ જતા હતા ત્યારે જીજે-૧૦-સીએન ૩૯૪૦ નંબરની મોટરે પાછળથી સ્કૂટરને ટક્કર મારતા આ મહિલાને ફ્રેક્ચર સહિતની ઈજા થઈ છે. મોટરચાલક સામે મૌલિકભાઈએ સિટી એ ડિવિઝનમાં ફરિયાદ કરી છે.

જામનગર-ખંભાળિયા ધોરીમાર્ગ પર આવેલા વાડીનાર નજીકના નયારા કંપનીના કોટ ગેઈટ પાસેથી રવિવારે સવારે પાંચેક વાગ્યે કાનાભાઈ નારણભાઈ ફફલ તથા હીનાબેન જાવેદભાઈ ચૌહાણ નામના વ્યક્તિઓ પસાર થતાં હતા.

આ વેળાએ ટીએન-૩૧-જે ૯૯૪૬ નંબરનું મોટરસાયકલ પુરપાટ ઝડપે ધસી આવ્યંુ હતું. તેના ચાલકે આ વ્યક્તિઓને ઠોકર મારતા કાનાભાઈને હેમરેજ થઈ ગયું છે અને હીનાબેનને ઈજા પહોંચી છે. આ અકસ્માત અંગે ખંભાળિયાના સલાયા રોડ પર વસવાટ કરતા જાવેદભાઈ હાજીભાઈ ચૌહાણે વાડીનાર મરીન પોલીસ મથકમાં ફરિયાદ નોંધાવી છે.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh