બે એજ્યુકેશન ઈન્સ્પેકટર તથા ચાર મદદનીશ એજ્યુકેશન ઈન્સ્પેકટરોની જગ્યાઓ ખાલી

Author: નોબત સમાચાર

બે એજ્યુકેશન ઈન્સ્પેકટર તથા ચાર મદદનીશ એજ્યુકેશન ઈન્સ્પેકટરોની જગ્યાઓ ખાલી

દેવભૂમિ દ્વારકા જિલ્લામાં

ખંભળિયા તા. ૧૭: દેવભૂમિ દ્વારકા જિલ્લો છેવાડાનો જિલ્લો હોય અહીં શિક્ષકોની તો ઢગલાબંધ જગ્યાઓ ખાલી જ છે. પણ સાથોસાથ અહીં જિલ્લા શિક્ષણાધિકારી કચેરીના હાર્દ સમાન એજ્યુકેશન ઈન્સ્પેકટરોની જગ્યાઓ પણ ખાલી છે.

આમ તો ૨૦૧૩માં દ્વારકા જિલ્લો અસ્તિત્વમાં આવ્યો ત્યારથી જ ઈન્સ્પેકટરોની જગ્યાઓ ખાલી હતી તે પછી એક નિયમીત વિમલ કિરત સાતા નીમાયા હતા તેમનું અવસાન થયા પછી લાંબા સમયથી જગ્યા ખાલી હતી. તેમાં સરકારી શાળાના આચાર્યો, શિક્ષકો ફરજ બજાવતા તાજેતરમાં એકમાત્ર એજ્યુ. ઈન્સ્પેકટર (મદદનીશ) ગોપાલભાઈ નકુમ નિવૃત્ત થતાં હવે શૂન્ય જગ્યા છે.

સરકારની નવી નીતિ મુજબ દ્વારકા જિલ્લામાં બે એજ્યુકેશન ઈન્સ્પેકટર (વર્ગ-૨) તથા ચાર મદદનીશ એજ્યુકેશન ઈન્સ્પેકટરો (વર્ગ-૩)ના હોવા જરૂરી છે પણ છે એકેય નહીં!! તમામ જગ્યાઓ ખાલી.!

વર્ગો નિરીક્ષણ શાળાઓમાં વાર્ષિક નિરીક્ષણ કરવાનુ ફરજિયાત છે જેના માટે ખાસ બુક આવે છે અને આ ઈન્સ્પેકશન ખૂબ મહત્ત્વનું છે પણ જિલ્લામાં સરકારી ખાનગી ગ્રાન્ટેડ ઢગલાબંધ શાળાઓમાં આ ઈન્સ્પેકશન કોણ કરશે ? તે મોટો પ્રશ્ન છે.

છેવાડાના દ્વારકાના જિલ્લામાં શિક્ષણ બાબતે તેમનું બેદરકારી ભર્યુ વલણ આ બાબતને દર્શાવતું હોય જાગૃત લોકો નાગરિકો વાલીઓમાં ભારે રોષની લાગણી છવાઈ છે.

જો આપને આ પોસ્ટ ગમી હોય તો શેર કરો...