Author: નોબત સમાચાર
જામનગરના મહિલાને રૂ.૧૫ લાખના ચેક પરતના કેસમાં ફટકારાઈ એક વર્ષની સજા
બંને હુકમ સામે થયેલી અપીલ પણ રદ્દઃ
જામનગર તા. ૧૭: જામનગરના એક મહિલાને રૂ.૧૫-૧૫ લાખના ચેક પરતના બે કેસમાં અદાલતે એક-એક વર્ષની કેદની સજા અને ચેકની રકમ મુજબનો દંડ ભરવાનો આદેશ કર્યાે હતો. તે હુકમ સામે ઉપરની અદાલતમાં કરાયેલી અપીલ પણ રદ્દ થવા પામી છે.
જામનગરમાં રહેતા જેઠીબેન ગોવિંદભાઈ ચારણે રૂ.૧૫ લાખ રમેશભાઈ દેવજીભાઈ કટારમલ પાસેથી હાથઉછીના મેળવ્યા હતા. તે ચેક રમેશભાઈએ બેંકમાં જમા કરાવતા તે ચેક વસૂલ થયા વગર ફંડસ ઈન્સફીશ્યન્ટના શેરા સાથે પરત ફર્યાે હતો તેથી તેઓએ જેઠીબેન ગોવિંદભાઈ ચારણ સામે ધી નેગો. ઈન્સ્ટ્રુ. એક્ટ કલમ ૧૩૮ હેઠળ ફરિયાદ નોંધાવી હતી. તે કેસ ચાલી જતા અદાલતે જેઠીબેન ગોવિંદભાઈને તક્સીરવાન ઠરાવી એક વર્ષની કેદ અને રૂ.૧૫ લાખનો દંડ ફટકાર્યાે છે. રકમ ચૂકવવામાં ન આવે તો વધુ ત્રણ મહિનાની સજા ફટકારી હતી. તે હુકમ સામે જેઠીબેન ચારણે ઉપરની અદાલતમાં અપીલ કરી હતી. તે અપીલ રદ્દ કરી અદાલતે ૧૫ દિવસમાં તેઓને સરન્ડર થવા હુકમ કર્યાે છે.
આ જ રીતે જામનગરના કરણભાઈ ગોવિંદભાઈ ચારણ પાસેથી રૂ.૧૫ લાખ જેઠીબેન ગોવિંદભાઈ ચારણે ઉછીના લઈ આપેલો ચેક પરત ફર્યાની અદાલતમાં ફરિયાદ થઈ હતી. તે કેસમાં પણ અદાલતે જેઠીબેનને એક વર્ષની કેદ અને રૂ.૧૫ લાખનો દંડ ફટકાર્યાે હતો. તે હુકમ સામે આરોપીએ ઉપરની અદાલતમાં અપીલ કરી હતી. તે અપીલ ખર્ચ સાથે રદ્દ કરવામાં આવી છે અને ૧૫ દિવસમાં જેઠીબેનને હાજર થઈ જવાનો હુકમ કરવામાં આવ્યો છે. બંને કેસમાં ફરિયાદીઓ તરફથી વકીલ ડી.ડી. આચાર્ય, કે.આર. ગોકાણી રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
