Author: નોબત સમાચાર
બહેનના ઘેરથી ભાઈ અને ભાભી નારાજ થઈ ચાલ્યા જતાં બહેને કરી આત્મહત્યા
પિતાના કામના ઠપકાથી યુવતીએ પી લીધુ ઝેરઃ
જામનગર તા.૨૫ : જોડિયાના પીઠડ ગામમાં ખેતમજૂરી માટે આવીને રહેતા મૂળ મધ્યપ્રદેશના એક શ્રમિકે પોતાની અઢાર વર્ષની પુત્રીને કામ માટે ઠપકો આપતા આ યુવતીએ ઝેરી દવા પી લીધી હતી. તેણીનું સારવારમાં મૃત્યુ થયું છે. જ્યારે પતિએ ઘેર આવેલા સાળાની મશ્કરી કરતા બહેનના ઘેરથી ભાઈ તથા ભાભી જમ્યા વગર ચાલ્યા જતાં બહેને જલદ પ્રવાહી પી જિંદગીનો અંત આણ્યો છે.
જોડિયા તાલુકાના પીઠડ ગામમાં આવેલા લખમણભાઈ બોરીચા નામના ખેડૂતના ખેતરમાં મજૂરીકામ માટે આવીને રહેતા મૂળ મધ્યપ્રદેશ ના ધાર જિલ્લાના ગુલાટી ગામના વતની સોહનભાઈ માંગીલાલ મીનાવા નામના શ્રમિકના પુત્રી પાયલબેન (ઉ.વ.૧૮)ને ગયા સપ્તાહે પિતા સોહનભાઈએ કામ કરવા માટે ઠપકો આપ્યો હતો.
ઠપકાથી માઠું લાગી આવતા ગઈ તા.૧૭ની સવારે આ યુવતીએ કોઈ ઝેરી દવા ગટગટાવી લીધી હતી. આ યુવતીને સારવાર માટે હોસ્પિટલ ખસેડવામાં આવ્યા પછી રવિવારની રાત્રે તેણીનું મૃત્યુ નિપજ્યું છે. પિતાએ પોલીસને જાણ કરી છે. જોડિયાના પીએસઆઈ કે.ડી. જાડેજાએ પિતાનું નિવેદન નોંધી તપાસ હાથ ધરી છે.
દેવભૂમિ દ્વારકા જિલ્લાના કલ્યાણપુર તાલુકાના પટેલકા ગામમાં રહેતા સવિતાબેન જયંતિભાઈ ચાવડા (ઉ.વ.૩૨) નામના મહિલાએ રવિવારે સાંજે પોતાના ઘરે કોઈ ઝેરી દવા પી લીધી હતી. સારવારમાં ખસેડવામાં આવેલા આ મહિલાનું ગઈકાલે સવારે મૃત્યુ નિપજ્યું છે.
આ બનાવ અંગે મૂળ મીઠાપુરના અને હાલમાં લાલપુર તાલુકાના જોગવડ ગામમાં રહેતા નારણભાઈ જોધાભાઈ બથવારે પોલીસને જાણ કરી છે. તેઓએ જણાવ્યા મુજબ રવિવારે સવિતાબેનના ભાઈ અજય તથા ભાભી અમીબેન પટેલકા ગામમાં આવ્યા હતા. તેઓ સવિતાબેનના ઘેર ગયા ત્યાં બનેવી જયંતિભાઈ નાથાભાઈ ચાવડાએ સાળા અજયભાઈની મશ્કરી કરી હતી તેથી નારાજ થયેલા અજયભાઈ અને અમીબેન જમ્યા વગર જ ચાલ્યા ગયા હતા. તે બાબતનું માઠું લાગી આવતા સવિતાબેને જલદ પ્રવાહી પી લીધુ હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
_copy_800x600~3.jpeg)
