Author: નોબત સમાચાર
જીજી હોસ્પિટલ સામે યુવાન પર પત્નીના પૂર્વ પતિ સહિત બે શખ્સે કર્યાે હુમલો
ધંધાખારના કારણે હુમલાની વળતી ફરિયાદઃ
જામનગર તા.૨૫ : જામનગરના એક યુવાને પ્રેમલગ્ન કર્યા પછી તે યુવતીના પૂર્વ પતિએ સાગરિત સાથે મળી તે યુવાનને ગઈકાલે સાંજે જી.જી. હોસ્પિટલ સામે જાહેરમાં ધોકાવ્યો હતો. જ્યારે કાલાવડના મોટી માટલી ગામમાં ધંધાખારના કારણે હુમલો કરાયાની સામાપક્ષે વળતી ફરિયાદ નોંધાવી છે.
જામનગરના હાપા રેલવે સ્ટેશન નજીકના રોડ પર વસવાટ કરતા અને ડ્રાઈવીંગનો વ્યવસાય કરતા સુનિલ મુકુંદભાઈ ભટ્ટી નામના ખવાસ યુવાન ગઈકાલે સાંજે જી.જી. હોસ્પિટલમાં સારવાર હેઠળ રહેલા પોતાના એક સંબંધીને જોવા માટે આવ્યા પછી સાડા છએક વાગ્યે હોસ્પિટલની સામે એક હોટલ પર ચા લેવા ગયા હતા. ત્યારે નવાગામ ઘેડમાં રહેતો ખુશાલ ધનસુખભાઈ ગોહિલ આવ્યો હતો.
આ શખ્સે તે મારી પત્ની સાથે લગ્ન કેમ કર્યા તેમ કહેતા સુનિલે તારી પત્ની સાથે તારા છૂટાછેડા થયા પછી મેં પ્રેમલગ્ન કર્યા છે. તેમાં તને શું વાંધો છે તેમ કહેતા ખુશાલ તથા તેના મિત્ર કેશુ ખીમજીભાઈ વાઘેલા એ ઢીકાપાટુથી માર મારી પતાવી દેવાની ધમકી આપી હતી. સુનિલે સિટી બી ડિવિઝનમાં ફરિયાદ કરી છે.
કાલાવડ તાલુકાના મોટી માટલી ગામના જીવરાજભાઈ ભીખાભાઈ મકવાણા નામના વૃદ્ધ પર ગયા શનિવારે સાંજે નાનજી દેવશીભાઈ પરમાર, મયુર નાનજીભાઈ, ગીરધર દેવશીભાઈ પરમાર નામના શખ્સોએ હુમલો કરી જીવરાજભાઈ તથા તેના પુત્ર સંજયને ગાળો ભાંડી ધમકી આપી હતી.
જીવરાજભાઈના ઈંટના ભઠ્ઠા પર બેરાજાના એક ગ્રાહક ટ્રેક્ટર સાથે ઈંટ ભરવા આવ્યા હતા ત્યારે નાનજીએ આ ગ્રાહક અમારી સાથે સોદો કરી ગયા પછી તમે કેમ ઈંટ આપો છો તેમ કહી હુમલો કર્યાે હતો. ઉલ્લેખનીય છે કે, નાનજીભાઈ એ હુમલાની ફરિયાદ કર્યા પછી તેની સામે વળતી ફરિયાદ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
_copy_800x600~3.jpeg)
