Author: નોબત સમાચાર
જી. જી. હોસ્પિટલમાં આભા સિસ્ટમ લાગુ થતા કેસબારી પર ભીડઃ દર્દીઓ-સ્ટાફ વચ્ચે ઘર્ષણ
નેટવર્કના ધાંધિયાના કારણે મોબાઈલ ફોનમાં ઓટીપી મળવામાં વાર લાગે, તેથી દર્દીઓ-સગાઓ પરેશાન
જામનગરની સરકારી જી.જી. હોસ્પિટલમાં કેસ બારી ઉપર કેસ કઢાવવા માટેની દર્દીની લાંબી લાંબી કતાર જોવા મળી હતી. સોમવારે આભા સીસ્ટમમાં મોબાઈલ નેટવર્ક ના કારણે કેસ કઢાવવામાં વિલંબ થતો હોવાથી લાંબી લાઈનો લાગી હતી, અને દર્દીઓને કેસ બારીના સ્ટાફ વચ્ચે ઘર્ષણની સ્થિતિ ઊભી થઈ હતી. સરકારી જી.જી. હોસ્પિટલમાં છેલ્લા કેટલાક સમયથી નવા કેસ કઢાવવા માટે આભા સીસ્ટમ લાગુ કરાઇ છે. તેમના માટે દર્દી અથવા તેના કોઈ પણ સગાના મોબાઈલ નંબર ના આધારે ઓટીપી મેળવ્યા બાદ કેસ કઢાવવાનો રહે છે. પરંતુ કેસ બારીની સામેના ભાગમાં મોબાઈલ નેટવર્ક મળતું ન હોવાને કારણે ખૂબ સમય લાગી જાય છે, અને આખરે દર્દીઓની ભી૦ જોવા મળે છે. જેમાં સોમવારે નેટવર્કના અભાવે લાંબી લાઈનો જોવા મળી હતી. જોકે જી.જી. હોસ્પિટલ ના વ્યવસ્થાપકો દ્વારા કેસ કઢાવવા માટે ઓટીપી ઝડપથી મળી શકે તે માટે અલગથી સ્ટાફ પણ મૂકવામાં આવ્યો છે. જે સ્ટાફ દ્વારા પોતાના મોબાઈલ ફોનમાં છેક હોસ્પિટલના મુખ્ય પ્રવેશદ્વાર સુધી જઈને ઓટીપી મેળવી આપવાની વ્યવસ્થા કરવામાં આવી રહી છે. પરંતુ સર્વર ડાઉન ને લીધે કેસ કઢાવવામાં વિલંબ થાય છે. જેથી દર્દીઓ અને કેસ બારી ના સ્ટાફ વચ્ચે ક્યારેક ઘર્ષણ જેવી સ્થિતિ ઊભી થાય છે. ઉપરાંત દર્દીઓ, કે જેઓ પાસે મોબાઈલ ફોન ન હોય ત્યારે પણ કેસ કઢાવવા માટે તકલીફ થાય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
_copy_800x600~3.jpeg)
