Author: નોબત સમાચાર
ગુજસી ટોકના આરોપીઓને મળવા આવેલા શખ્સને નોટીસ
રાજકોટના કુખ્યાત શખ્સનું કૃત્યઃ
જામનગર તા.૨૫ : જામનગરની જિલ્લા જેલમાં રહેલા ગુજસી ટોક કાયદા હેઠળ ઝડપાયેલા કેટલાક આરોપીને મળવા માટે રાજકોટ નો કુખ્યાત શખ્સ જામનગર આવ્યા પછી જેલમાં પહોંચ્યો હતો. તેની જાણ એસપીને થતાં કરાયેલી તપાસમાં સીસીટીવી ફૂટેજમાં ઉપરોક્ત પ્રકરણ ખૂલ્યું છે. આ શખ્સને જામનગર આવી નિવેદન નોંધાવવા પોલીસ દ્વારા નોટીસ અપાઈ છે.
જામનગર જિલ્લા જેલમાં ગુજસી ટોક તેમજ ખંડણીના ગુન્હામાં રાખવામાં આવેલા ત્રણ આરોપીને મળવા માટે રાજકોટનો કુખ્યાત શખ્સ ભૂપત ભરવાડ અને તેના બે સાગરિત જામનગર આવ્યા હતા.
આ શખ્સોએ જેલ સ્ટાફ પાસે ઉપરોક્ત આરોપીઓને મળવા માટે પરવાનગી માંગ્યા પછી એક વ્યક્તિની મુલાકાત માટે મંજૂરી આપવામાં આવી હતી. તે પછી ભૂપત ભરવાડ અને અન્ય બે શખ્સ જેલમાં ગુજસી ટોકના બે આરોપીને મળ્યા હતા. આ બાબતની જામનગર જિલ્લા પોલીસવડા પ્રેમસુખ ડેલુને જાણ થતાં તેઓ એ તપાસનો આદેશ કર્યાે હતો. ત્યારપછી સિટી ડીવાયએસપી જે.એન. ઝાલા અને સ્ટાફ દ્વારા જેલમાં ચકાસણી કરાઈ હતી. ત્યાંના સીસીટીવી ફૂટેજ ચકાસવામાં આવતા ભૂપત ભરવાડ જેલમાં આવ્યો હોવાનું ખૂલ્યું છે.તેના પગલે સિટી એ ડિવિઝન પોલીસે ભૂપત ભરવાડને નોટીસ પાઠવી નિવેદન આપવા માટે જામનગર આવી જવા સૂચના આપવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
_copy_800x600~3.jpeg)
