Author: નોબત સમાચાર
જામનગરમાં વૈષ્ણવ સમાજ દ્વારા નવ વિલાસ રાસનું ભવ્ય આયોજન
પુષ્ટિ સંપ્રદાયના ભજન-કીર્તન પર કીર્તનીયાઓ દ્વારા યોજાય છે મહારાસઃ
છોટીકાશી તરીકે વિખ્યાત જામનગર શહેરમાં દરેક તહેવારોને લોકો મન ભરીને માણે છે. નવરાત્રિના પાવન દિવસોમાં જામનગરની પ્રાચીન-અર્વાચીન ગરબીઓમાં પણ ઉત્સવ પ્રેમી જનતા ગરબા રમવા તેમજ જોવા માટે આતુર બની રહ્યા છે. શહેરના અલગ-અલગ વિસ્તારોમાં નાની-મોટી ગરબીઓ થઈ રહી છે. તેવી જ રીતે પુષ્ટી સંપ્રદાય દ્વારા રણજીત સાગર રોડ પર આવેલા સેટેલાઈટ પાર્ક વિસ્તારમાં વિશાળ પટાંગણમાં નવ વિલાસ રાસનું આ વર્ષે પણ ભવ્ય આયોજન કરવામાં આવ્યું છે. વૈષ્ણવો આ ભવ્ય રાસનો આનંદ માણવા માટે ઉમટી પડે છે. નવ વિલાસ મહારાસમાં જામનગરની મોટી હવેલીના પ.પૂ. શ્રી વલ્લભરાયજી મહોદય, રસાદ્રરાયજી, પ્રેમાદ્રરાયજી, પરિવાર સહિત ઉપસ્થિત રહે છે. આ મહારાસનો આનંદ માણવા માટે પણ મોટી સંખ્યામાં વૈષ્ણવ ભાઈ-બહેનો ઉમટી પડે છે. રાત્રીના ૯:૩૦ વાગ્યાથી પુષ્ટિ સંપ્રદાયના ભજન-કીર્તન પર કીર્તનીયાઓ દ્વારા આ મહારાસ યોજવામાં આવે છે. ગઈકાલે આ મહારાસમાં પ.પૂ. રસાદ્રરાયજી તથા પ્રેમાદ્રરાયજીએ ઉપસ્થિત વૈષ્ણવોને આશીર્વચન પાઠવ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
