Author: નોબત સમાચાર
દેવભૂમિ દ્વારકાના લોહાણા જ્ઞાતિના અગ્રણી જવાહરભાઈ દાવડાનું નિધન
જામનગર તા. ૮: દ્વારકાના લોહાણા જ્ઞાતિના અગ્રણી, વરવાળા લોહાણા સમાજના પૂર્વ પ્રમુખ તથા દ્વારકાની ગૌશાળા ટ્રસ્ટના માજી ઉપપ્રમુખ જવાહરભાઈ દાવડા (ઉ.વ. ૮૪) તે દ્વારકા ન.પા.ના પૂર્વ ઉપપ્રમુખ તથા લોહાણા મહાજનના ટ્રસ્ટી જીતેશભાઈ દાવડા (મામા), વિજયભાઈ અને ભાવેશભાઈના પિતાનું આજે તા. ૮-૧૦-ર૦ર૪ ના વહેલી સવારે દુઃખદ નિધન થયું છે.
અત્રે ઉલ્લેખનિય છે કે સદ્ગત જવાહરભાઈ દાવડા દ્વારકા વિસ્તારમાં વર્ષોથી લોહાણા સમાજમાં અને ગૌશાળામાં સામાજિક સેવાકાર્યો સાથે કાર્યરત રહ્યા હતાં. લોહાણા સમાજ ઉપરાંત અન્ય દરેક સમાજ સાથે પણ તેઓ સંકળાયેલા રહી સામાજિક ક્ષેત્રે સેવા આપી હતી.
તેમની અંતિમયાત્રામાં લોહાણા જ્ઞાતિના જ્ઞાતિજનો મોટી સંખ્યામાં જોડાયા હતાં. તેમજ દ્વારકાના વિવિધ ક્ષેત્રના આગેવાનો અને નગરજનોએ પણ સ્વ. જવાહરભાઈને શ્રદ્ધાંજલિ અર્પણ કરી હતી.
સ્વ. જવાહરભાઈ કાકુભાઈ દાવડાની પ્રાર્થનાસભા તા. ૧૦-૧૦-ર૦ર૪ ના ગુરુવારે સાંજે ૪-૩૦ થી પ વાગ્યે ભાઈઓ તથા બહેનો માટે લોહાણા મહાજન વાડી, દ્વારકામાં રાખવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
