Author: નોબત સમાચાર
ધારાગઢમાં દારૂ બનાવી જામનગર લઈ જતાં ધુંવાવના શખ્સની ધરપકડ
મોટી બાણુગાર, નવાગામ પાસેથી ચાર બોટલ મળી આવીઃ
જામનગર તા. ૮: જામજોધપુર પોલીસે ધારાગઢમાં દેશી દારૂ બનાવી તેને રિક્ષામાં જામનગર લઈ જતા ધુંવાવના શખ્સને પકડી પાડ્યો છે. મોટી બાણુગાર પાસેથી તથા કાલાવડના નવાગામ નજીકથી બે શખ્સ ચાર બોટલ સાથે ઝડપાયા છે.
જામજોધપુર પોલીસ સ્ટેશનના સ્ટાફ દ્વારા ગઈકાલે કરવામાં આવી રહેલા પેટ્રોલિંગમાં જામનગર નજીક ધુુંંવાવ ગામમાં રહેતો સીરાઝ ઉર્ફે સીકંદર સુમરા નામનો શખ્સ એક ઓટો રિક્ષામાં દેશી દારૂનો જથ્થો ભરીને જામનગર તરફ જઈ રહ્યો હોવાની બાતમી મળી હતી.
તે બાતમીના આધારે પોલીસે વોચ રાખી જીજે-૧૦-ટીઝેડ ૨૩૨૪ નંબરની રિક્ષા રોકાવી હતી. તેમાંથી ૧૦૦ લીટર દેશી દારૂ સાથે સીકંંદર હાજીભાઈ દોદેપોત્રા ઉર્ફે સીકલો સુમરા નામનો શખ્સ મળી આવ્યો હતો. આ શખ્સ ધારાગઢ ગામમાં રહેતા પોતાના સસરાના ઘેર આવી ત્યાં સીમમાંં દેશી દારૂની ભઠ્ઠી ચલાવતો હતો. પોલીસે દારૂ, એક મોબાઈલ, રૂ.ર લાખની રિક્ષા કબજે કરી છે.
જામનગર-રાજકોટ માર્ગ પર મોટી બાણુગાર ગામના પાટીયા પાસેથી ગઈરાત્રે જઈ રહેલા રજનીક લક્ષ્મણભાઈ નંદાસણા નામના મોટી બાણુગાર ગામના શખ્સને રોકાવી પોલીસે ચેક કરતા તેના કબજામાંથી દારૂની બે બોટલ મળી આવી હતી.
કાલાવડ તાલુકાના નવાગામથી મોટી વાવડી ગામ તરફના રસ્તા પરથી ગઈરાત્રે સુધીર ભીખાભાઈ અકબરી નામનો શખ્સ અંગ્રેજી શરાબની બે બોટલ સાથે ઝડપાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
