Author: નોબત સમાચાર
મુકબધીર સગીરા પર દુષ્કર્મ ગુજારનાર મોટી ખાવડીના શખ્સને દબોચી લેવાયો
પોલીસે ભારે જહેમત પછી આરોપીને પકડી હાથ ધરી પૂછતાછઃ
જામનગર તા. ૮: જામનગર તાલુકાના એક ગામની મુકબધીર સગીરા પર કોઈ શખ્સે દુષ્કર્મ ગુજારી ચાર મહિનાનો ગર્ભ રામખી દીધો હતો. તેની પોલીસમાં ફરિયાદ થયા પછી તપાસ માટે બનાવવામાં આવેલી ટીમે સાઈન લેંગ્વેજના જાણકાર શિક્ષિકાની મદદ મેળવી ગુન્હાનો ભેદ ઉકેલ્યો છે. દુષ્કર્મ ગુજારનાર મોટી ખાવડીના શખ્સને પકડી લેવામાં આવ્યો છે.
જામનગર-ખંભાળિયા ધોરીમાર્ગ પર આવેલા મેઘપર નજીકના એક ગામમાં વસવાટ કરતી મુકબધીર સગીરા પર કોઈ અજાણ્યા શખ્સે થોડા સમય પહેલાં દુષ્કર્મ ગુજારી તેણીને ચાર મહિનાનો ગર્ભ રાખી દીધાની ગઈ તા.૨૧ ઓગસ્ટના દિને મેઘપર પોલીસ સ્ટેશનમાં ફરિયાદ કરવામાં આવી હતી.
તે ફરિયાદના પગલે એસપી પ્રેમસુખ ડેલુએ આ સંવેદનશીલ ગુન્હાની તપાસ માટે સ્પેશિયલ ઈન્વેસ્ટિગેશન ટીમ ઉભી કરી હતી. જેમાં મુખ્ય માર્ગદર્શક તરીકે ડીવાયએસપી આર.બી. દેવધા તથા સહાયક અધિકારી તરીકે પ્રોબે. ડીવાયએસપી એન.બી. ગોરડીયા રહ્યા હતા. મેઘપરના પીઆઈ પી.ટી. જયસ્વાલ તથા સહાયક આઈ.ઓ. તરીકે એલસીબી પીઆઈ વી.એમ. લગારીયાની નિમણૂક કરાઈ હતી.
આ ટીમે શરૂ કરેલી તપાસમાં ભોગ બનનાર સગીરા જન્મથી જ મુકબધીર હતી અને તેણીએ કોઈ તાલીમ કે અભ્યાસ કર્યાે ન હોય આ ગુન્હો પોલીસ ટીમ માટે ચેલેન્જ સમાન બન્યો હતો. જેમાં એલસીબી પીઆઈ બી.એન. ચૌધરી તથા તેમની ટીમ પણ તપાસમાં જોડાઈ હતી. વૈજ્ઞાનિક ઢબે તપાસમાં આગળ વધેલી પોલીસે જામનગર મુકબધીર શાળાના શિક્ષિકા મીનાક્ષીબેન જાનીની પણ મદદ મેળવી હતી.
આ શિક્ષિકાએ તે સગીરાની અવારનવાર પૂછપરછ કરી ઈશારા મારફતે વિગતો મેળવવાના પ્રયાસ કર્યા હતા જેમાં કેટલાક શકદારોના ફોટા પણ સગીરાને બતાવાયા હતા. તેમાંથી એક શખ્સને આ સગીરાએ ઓળખી બતાવતા મોટી ખાવડી ધસી ગયેલી તપાસનીશ ટૂકડીએ ત્યાંથી શક્તિસિંહ ગુમાનસિંહ જાડેજા નામના શખ્સની ધરપકડ કરી હતી.
પોલીસ મથકે ખસેડાયેલા આ શખ્સને ભોગ બનનાર સગીરાએ ઓળખી બતાવ્યો હતો. આ શખ્સની ઝીણવટ ભરી પૂછપરછ કરાઈ રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
