Author: નોબત સમાચાર
નવા સુધારા મુજબની સ્ટેમ્પ ડ્યૂટીના બદલે જૂની જોગવાઈ મુજબ વસૂલાત!
ફરીથી વકીલો દ્વારા કરવામાં આવ્યા સામૂહિક ઈ-મેઈલઃ
જામનગર તા.૭ : રાજ્યમાં સ્ટેમ્પ (એમેડમેન્ટ) બીલ અંગે ગઈ તા.રના દિને ગેઝેટ પ્રસિદ્ધ કરી તે દિવસથી જ સુધારા અંગેનું બીલ અમલમાં આવ્યું હોવાનું જણાવાયા છતાં સબ રજીસ્ટ્રાર કચેરીમાં જૂની જોગવાઈ મુજબ સ્ટેમ્પ ડ્યૂટી વસૂલ કરવામાં આવતી હોવાથી વધુ એક વખત તે કામ સાથે સંકળાયેલા એડવોકેટ્સ દ્વારા સામૂહિક રીતે ઈ-મેઈલ કરવામાં આવી રહ્યા છે.
જામનગરના કેટલાક એડવોકેટ દ્વારા રાજ્યના રાજ્યપાલ તેમજ નોંધણી સર નિરીક્ષક અને સુપ્રિ. ઓફ સ્ટેમ્પ ડ્યૂટીને સામૂહિક ઈ-મેઈલ કરી રજૂઆત કરવામાં આવી છે.
રજૂઆતમાં જણાવવામાં આવ્યા મુજબ ધ ગુજરાત સ્ટેમ્પ (એમેડમેન્ટ) બીલ ૨૦૨૫ને તા.૨ એપ્રિલના દિને રાજ્ય સરકારના એક્સ્ટ્રા ઓર્ડીનરી ગેઝેટમાં પ્રસિદ્ધ કરવામાં આવ્યું છે. ત્યારથી જ તે સુધારા અંગેનું બીલ અમલમાં આવ્યું છે તેમ ગણવાનું રહે છે તેમ છતાં સબ રજીસ્ટ્રાર કચેરીમાં સુધારા મુજબ સ્ટેમ્પ ડ્યૂટીના બદલે જૂની જોગવાઈ મુજબ સ્ટેમ્પ ડ્યૂટી વસૂલવામાં આવે છે.
જૂની જોગવાઈથી ડ્યૂટી લેતા સબ રજીસ્ટ્રારો અમોને સુચના મળી નથી તેમ જણાવી રહ્યા છે તેથી અરજદારોને વધુ સ્ટેમ્પ ડ્યૂટી ભરપાઈ કરવી પડી રહી છે. આથી એકસ્ટ્રા ઓર્ડીનરી ગેઝેડમાં પ્રસિદ્ધ કરાયેલી જોગવાઈની અમલવારી કરાવવા માગણી કરવામાં આવી રહી છે.
આ બાબતે જામનગરના રેવન્યુ પ્રેક્ટિસનર્સ એડવોકેટ એસો.ના મંત્રી કેતન દોઢીયાએ નોંધણી નિરીક્ષક સમક્ષ પણ રજૂઆત કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
