Author: નોબત સમાચાર
મગફળી ફોલવાના ઓપનરમાંથી વીજ આંચકોઃ નવાગામના યુવાનનું મૃત્યુ
સ્વિચ ચાલુ કરી ટેસ્ટર અડાડતા જ લાગ્યો શોર્ટઃ
જામનગર તા. ૨૦: ભાણવડ તાલુકાના નવાગામમાં ગઈકાલે મગફળી ફોલવાના ઓપનરમાં લાગતા વીજ કરંટને ટેસ્ટરથી ચેક કરવા ગયેલા એક યુવાનને વીજ આંચકો ભરખી ગયો છે. પોલીસે મૃત્યુ અંગે નોંધ કરી તપાસ હાથ ધરી છે.
દેવભૂમિ દ્વારકા જિલ્લાના ભાણવડ તાલુકાના નવાગામમાં રહેતા ચંદ્રકાંત કેશવજીભાઈ પાડલીયા (ઉ.વ.૪૬) નામના યુવાન ગઈકાલે સવારે નવાગામમાં જ આવેલા પોતાના મીલમાં હાજર હતા.
આ વેળાએ મગફળી ફોલવા માટેના ઓપનરમાં વીજ કરંટ આવતો હોવાનું જણાઈ આવતા તેને ચેક કરવા માટે આ યુવાન સ્વિચ ચાલુ કરીને હલર પર ચઢ્યા હતા. જ્યાં તેઓએ ઓપનરને ટેસ્ટર અડાડતા જ તેઓને જોરદાર વીજ આંચકો લાગ્યો હતો. ફેંકાઈ ગયેલા આ યુવાનને સારવાર માટે દવાખાને લઈ જવામાં આવ્યા હતા જ્યાં તેઓનું મૃત્યુ નિપજ્યું છે. મૃતકના મોટાભાઈ દીપકભાઈ કેશવજીભાઈએ પોલીસને જાણ કરી છે. ભાણવડ પોલીસે મૃતદેહને પી.એમ. માટે ખસેડી આગળની કાર્યવાહી કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
