Author: નોબત સમાચાર
કારખાના પાસે મોટર રાખવા બાબતે કારખાનેદાર પિતા-પુત્ર પર કરાયો હલ્લો
સામા પક્ષે પણ માર માર્યાની નોંધાવી ફરિયાદઃ
જામનગર તા. ૨ઃ જામનગરના શંકરટેકરી પાણાખાણ પાસે એક કારખાના પાસે મોટર રાખવાના મામલે બોલાચાલી થયા પછી મારામારી થઈ હતી. બંને પક્ષે હુમલાની સામસામી ફરિયાદ નોંધાવી છે. પોલીસે ત્રણ શખ્સ સામે એટ્રોસિટી સહિતની કલમો હેઠળ અને બે શખ્સ સામે માર માર્યાનો ગુન્હો નોંધ્યો છે.
જામનગરના ખાખીનગર ૫ાસે સિદ્ધાર્થનગરમાં રહેતા ભાવિક રમેશભાઈ સીંગરખીયા નામના આસામીના શંકરટેકરી ઉદ્યોગનગરમાં પાણાખાણ પાસે આવેલા કારખાના નજીક બુધવારે સાંજે ગોવિંદ મારાજ નામના શખ્સને બોલાચાલી થઈ હતી. ભાવિકે પોતાના કારખાના પાસે મોટર રાખી રહેલા ગોવિંદને ધ્યાનથી ડ્રાઈવીંગ કરવાનું કહેતા બોલાચાલી થઈ હતી. તે પછી ગોવિંદ તેમજ અંકિત મારાજ અને અજય પીઠડીયાએ પાઈપ, ઢીકાપાટુથી હુમલો કરી ભાવિકને માર મારવા ઉપરાંત વચ્ચે પડનાર ભાવિકના પિતા રમેશભાઈ મુળજીભાઈ અને કારખાનાના કર્મચારી રમેશ પરમારને પણ માર માર્યાે હતો. તેમજ જ્ઞાતિ પ્રત્યે પણ હડધૂત કર્યા હતા.
ઉપરોક્ત ફરિયાદ સિટી-સી ડિવિઝનમાં કરવામાં આવી છે. તેની સામે પાણાખાણની શેરી નં.૨માં રહેતા અંકિત રઘુરામ દુધરેજીયાએ વળતી ફરિયાદ કરી હતી. તેમાં જણાવાયા મુજબ તેના માસીયાઈ ભાઈ જયદીપ સાથે વાહન વાળવા બાબતે ભાવિક સીંગરખીયાને બોલાચાલી થતાં અંકિત તથા તેનો મિત્ર વચ્ચે પડ્યા હતા. આથી ભાવિક અને તેના પિતા રમેશભાઈએ પાઈપ, ઢીકાપાટુથી હુમલો કરી માર માર્યાે હતો. પોલીસે બંને ફરિયાદ રજીસ્ટરે લઈ આરોપીઓની ધરપકડ માટે તજવીજ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
