Author: નોબત સમાચાર
ભાટિયા નજીક લીમડી પાસે પુલ પરથી મોટર ઉથલીઃ મહિલા સહિત બેના મૃત્યુ
પટેલ પરિવારના અન્ય બેને થઈ ઈજાઃ
ખંભાળિયા તા. ૨ઃ ખંભાળિયાથી ભાટિયા વચ્ચે આવેલા લીમડી ગામ પાસે આજે સવારે એક મોટર અચાનક જ તેના ચાલકના કાબુ બહાર જઈ પુલ પરથી ગડથોલીયું ખાઈ ગઈ હતી. તેમાં મુસાફરી કરતા પટેલ પરિવારના એક મહિલા સહિત બેના મૃત્યુ નિપજ્યા છે અને અન્ય બેને ઈજા થઈ છે. પોલીસ કાફલો દોડ્યો છે. જામનગર-દ્વારકા માર્ગ પર આવેલા ભાટિયા નજીકના લીમડી ગામ પાસેથી આજે સવારે પસાર થતી જીજે-૬-એલએસ ૨૦૯ નંબરની મોટર અચાનક જ તેના ચાલકના કાબુ બહાર ગયા પછી રોડ ઉતરીને પલ્ટી મારી ગઈ હતી. રમકડાની મોટરની માફક ગોથું ખાઈને તે મોટર ઉભી રહી ગઈ હતી. તેમાં મુસાફરી કરી રહેલા વ્યક્તિઓ પૈકીના છાયાબેન ગજેરા તથા હર્ષભાઈ સોજીત્રા નામના બે વ્યક્તિના ગંભીર ઈજા થવાથી ઘટના સ્થળે જ મૃત્યુ નિપજ્યા હતા.
અકસ્માતની જાણ થતાં ૧૦૮ તથા પોલીસ કાફલો દોડ્યો હતો. ઈજાગ્રસ્તોને સારવાર માટે ખંભાળિયા અને ત્યાંથી વધુ સારવાર માટે જામનગર ખસેડવામાં આવ્યા છે. એક મહિલા સહિત બે વ્યક્તિને ગંભીર ઈજા થવાનું જાણવા મળી રહ્યું છે. આ મોટર પુલ પરથી કઈ રીતે ગબડી પડી તેની પોલીસ દ્વારા તપાસ કરવામાં આવી રહી છે. મોટરમાં જામનગર તેમજ ગોંડલ અને ઉપલેટાનો પટેલ પરિવાર મુસાફરી કરતો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
