Author: નોબત સમાચાર
ધ્રોલના સોયલમાં મોડીરાત્રે જામેલી જુગારની મહેફિલ ઝડપાઈઃ સાત ઝબ્બે
શાપરમાં તીનપત્તી રમતા ચાર પકડાયાઃ
જામનગર તા. રઃ જામનગરના શાપર ગામમાં ગઈકાલે સાંજે ગંજીપાના કૂટી રહેલા ચાર શખ્સને સિક્કા પોલીસે ઝડપી લીધા હતા. જ્યારે રાત્રે ત્રણ વાગ્યે સોયલ ગામમાં ગંજીપાનાથી જુગાર રમતા સાત શખ્સને પોલીસે પકડી લઈ ગુન્હો નોંધ્યો છે.
જામનગર-ખંભાળિયા માર્ગ પર આવેલા શાપર ગામમાં ગઈકાલે સાંજે જુગાર રમાતો હોવાની બાતમી સિક્કા પોલીસ સ્ટેશનના જીતેન્દ્રસિંહ, અર્જુનસિંહ, દિલીપસિંહને મળતા પીએસઆઈ આર.એચ. બારના વડપણ હેઠળ પોલીસ ટીમ ધસી ગઈ હતી.
શાપર ગામના તીનપત્તી વિસ્તારમાં બાવળની ઝાળીમાં ગંજીપાના વડે તીનપત્તી રમતા મનિષ ચંપકલાલ રાવલ, ગૌતમ પેથાભાઈ ભાંભી, જયંતિભાઈ છગનભાઈ ગામી, લલીત ઉર્ફે દીપક હિંસુ નામના ચાર શખ્સ મળી આવ્યા હતા. પોલીસે પટમાંથી રૃા.૧૧૨૨૦ કબજે કરી ગુન્હો નોંધ્યો છે.
ધ્રોલ નજીકના સોયલ ગામમાં દરગાહ નજીક એક શેરીમાં ગઈરાત્રે જુગારની જમાવટ થઈ હોવાની બાતમી મળતા ધ્રોલ પોલીસે રાત્રે ત્રણ વાગ્યે દરોડો પાડતા ત્યાંથી તીનપત્તી રમતા અલારખા આદમ મકવાણા, ઈકબાલ સુમાર જખરા, અબ્દુલ કારાભાઈ પઠાણ, સોમાભાઈ આંબાભાઈ ચાવડીયા, કિશોર અમરશીભાઈ ચાવડા, રમેશ રૃડાભાઈ ચાવડા, ઈસ્માઈલ દાઉદ મકવાણા નામના સાત શખ્સ મળી આવ્યા હતા. પટમાંથી રૃા.૧૦,૬૫૦ કબજે કરાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
