Author: નોબત સમાચાર
જામનગરમાં રાષ્ટ્રીય તમાકુ નિયંત્રણ સમિતિની બેઠકઃ 'તમાકુ' અંગે ચેકીંગ ડ્રાઈવ હાથ ધરાશે
જિલ્લા કલેક્ટર બી.કે. પંડ્યાની અધ્યક્ષતામાં
જામનગર તા. ૧૪: જામનગર જિલ્લા કલેક્ટર કચેરીના સભાખંડમાં રાષ્ટ્રીય તમાકુ નિયંત્રણ સમિતિની સમીક્ષા બેઠક યોજાઈ હતી. જિલ્લા કલેક્ટર બી.કે. પંડ્યાના અધ્યક્ષસ્થાને આયોજિત બેઠકમાં ડિસ્ટ્રીક્ટ ટોબેકો કંટ્રોલ પ્રોગ્રામની કામગીરી, માહિતી, શિક્ષણ અને સંચારનો મહત્તમ રીતે ઉપયોગ થાય તે અંગે વિસ્તૃત સમીક્ષા કરવામાં આવી હતી.
બેઠકમાં સમિતિના સદસ્યો સાથે ચર્ચા કર્યા પછી જિલ્લા કલેક્ટરે જણાવ્યું હતું કે, 'ધી સિગારેટ એન્ડ અધર ટોબેકો પ્રોડક્ટ એક્ટ-ર૦૦૩' મુજબ સિગારેટ અને તમાકુની બનાવટોની જાહેરાત આપવી, સગીર વયની વ્યક્તિઓને વેંચાણ કરવું, શૈક્ષણિક સંસ્થાઓની આસપાસ તમાકુનું વેંચાણ કરવું આવી તમામ પ્રવૃત્તિઓ કરવા પર પ્રતિબંધ લાગેલો છે. જિલ્લા વહીવટી તંત્ર દ્વારા આવી પ્રવૃત્તિઓને અટકાવવા માટે ચેકીંગ ડ્રાઈવ હાથ ધરાશે. નેશનલ ટોબેકો કંટ્રોલ પ્રોગ્રામ અન્વયે ર૮૭ જેટલા આરોગ્ય વિભાગના કર્મચારીઓને તાલીમ અપાઈ છે તેમજ જી.જી. સરકારી હોસ્પિટલમાં ડિસ્ટ્રીક્ટ ટોબેકો કંટ્રોલ સેલમાં તમાકુના આડઅસરથી પીડિત દર્દીઓનું યોગ્ય કાઉન્સેલીંગ કરવામાં આવે છે તેમજ શૈક્ષણિક સંસ્થાઓમાં નેશનલ ટોબેકો કંટ્રોલ પ્રોગ્રામ અન્વયે સમગ્ર વર્ષ દરમિયાન ૯રપ૪ જેટલા વિદ્યાર્થીઓને જાગૃત કરાયા છે. ઉક્ત સમીક્ષા બેઠકમાં જિલ્લા વિકાસ અધિકારી વિકલ્પ ભારદ્વાજ, આર.સી.ઓ. ડો. નુપુર પ્રસાદ, જિલ્લા સર્વેક્ષણ અધિકારી ડો. એસ.આર. રાઠોડ, ફૂડ સિક્યોરિટી ઓફિસર સુશ્રી એસ.જે. પ્રજાપતિ, તાલુકા આરોગ્ય અધિકારીઓ, આરોગ્ય વિભાગના કર્મચારીગણ અને સમિતિના અન્ય સદસ્યો હાજર રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
