Author: નોબત સમાચાર
જી.જી. હોસ્પિટલના લાંચ પ્રકરણમાં બે ક્લાર્ક ઘરભેગાઃ તબીબોની તપાસ સમિતિ રચાઈ
એક મહિલા કર્મચારીનું નામ ખૂલતા તેણી રજા પર!
જામનગર તા. ૧૪: જામનગરની મેડિકલ વોર્ડના પટાવાળા સામે લાંચ કેસ નોંધાતા ચકચાર જાગી હતી. આ કેસ પ્રકરણમાં મેડિકલ વોર્ડ અને મેડિસીન વિભાગના બે ક્લાર્કને ઘરભેગા કરી દેવામાં આવ્યા છે.
જામનગરની સરકારી જી.જી. હોસ્પિટલના મેડિસીન વિભાગ (મેડિકલ વોર્ડ) માં પટાવાળા તરીકે ફરજ બજાવતા અશોક પરમાર સામે લાંચ કેસ નોંધાયો છે, જો કે આરોપી નાસી ગયો હોવાથી પોલીસ તેને શોધી રહી છે. બીજી તરફ આ પ્રકરણથી હોસ્પિટલ વર્તુળમાં ચર્ચા જાગી છે. ગઈકાલે આ પ્રકરણમાં કેટલીક વિગતો સાથે તબીબી અધિક્ષક ગાંધીનગર પહોંચ્યા હતાં.
તો બીજી તરફ આ પ્રકરણમાં મહિલા કર્મચારીનું નામ ચર્ચામાં આવતા આ મહિલા કર્મચારી રજા ઉપર ચાલ્યા ગયા છે.
તો મેડિકલ વોર્ડ વિભાગના રાજેશ કંટારિયા અને નિલેષ નામના બે કર્મચારીને ઘરભેગા કરી દેવાયા છે. જે આઉટ સોર્સ, કર્મચારી તરીકે ફરજ બજાવતા હતાં. આ પ્રકરણમાં ત્રણ તબીબોની તપાસ સમિતિ બનાવાઈ છે. જે વિભાગના વડા સહિતનાઓના નિવેદન નોંધશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
