Author: નોબત સમાચાર
ઘર પાસે મોટર ધીમે ચલાવવાનું કહેતા યુવાનને ગાળો ભાંડી કરાયા અપમાનિત
સડોદરમાં વૃદ્ધ પર પાઈપથી ત્રણ શખ્સે કર્યાે હુમલોઃ
જામનગર તા. ૧૪: જામનગરના શંકરટેકરી વિસ્તારમાં ઘર પાસેથી ધીમે મોટર ચલાવવાનું કહેતા એક યુવાનને ગાળો ભાંડી જ્ઞાતિ પ્રત્યે હડધૂત કરવા અંગે એક શખ્સ સામે ફરિયાદ કરાઈ છે. જ્યારે સડોદરમાં ઘર પાસેથી નીકળવાની ના પાડી એક વૃદ્ધને ત્રણ શખ્સે પાઈપથી લમધાર્યાનું પોલીસ ફરિયાદમાં જણાવાયું છે.
જામનગરના શંકરટેકરી વિસ્તારમાં પાણીના ટાંકા પાસે રહેતા વિપુલ રમણીકભાઈ ચૌહાણ નામના આસામીના ઘર પાસેથી ગઈ તા.૪ની રાત્રે રઝાનગરમાં રહેતો સોહિલ હામીદ ગામેતી નામનો શખ્સ પોતાની જીજે-૧૦-ડીઆર ૭૦૪૬ નંબરની મોટર ફૂલ સ્પીડમાં ચલાવીને નીકળતા વિપુલભાઈએ તેને ધીમે ચલાવવાનું કહ્યું હતું.
આ બાબતથી ઉશ્કેરાયેલા સોહિલે મોટરમાંથી ઉતરી ગાળો ભાંડ્યા પછી વિપુલભાઈ ચૌહાણને જ્ઞાતિ પ્રત્યે હડધૂત કરી જાનથી મારી નાખવાની ધમકી આપી હોવાની ફરિયાદ સિટી-સી ડિવિઝન પોલીસ મથકમાં કરવામાં આવી છે.
જામજોધપુર તાલુકાના સડોદર ગામના મલુકદાસ અમરદાસ શ્રીમાળી નામના વૃદ્ધનો આવવા જવાનો રસ્તો કાનજી રામજીભાઈના ઘર પાસેથી નીકળતો હોય તેઓને ત્યાંથી નીકળવાની કાનજીએ મનાઈ ફરમાવી દીધી હતી. તે પછી બુધવારની રાત્રે મલુકદાસ પર કાનજી તેમજ પરેશ શામળદાસ, ઋત્વિક પરેશભાઈ નામના વ્યક્તિઓએ પાઈપ વડે હુમલો કરી માર માર્યાે હતો. વચ્ચે પડનાર નરેશભાઈ સાથે પણ ઝપાઝપી કરવામાં આવી હતી. શેઠવડાળા પોલીસે આઈપીસી ૩૨૩, ૩૨૪, ૫૦૪, ૫૦૬ (ર), ૧૧૪, જીપી એક્ટની કલમ ૧૩૫ (૧) હેઠળ ગુન્હો નોંધી આરોપીની શોધખોળ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
