Author: નોબત સમાચાર
સરકારી શાળાઓમાં સારા પરિણામો આવતા વિદ્યાર્થીઓ-વાલીઓ ખુશ
જામનગરની સજુબા ગર્લ્સ હાઈસ્કૂલ - ન્યૂ સ્કૂલ જેવી
જામનગર તા. ૧૪ : જામનગરની માં શ્રી સજુબા ગર્લ્સ હાઈસ્કૂલ તથા શ્રી દિગ્વિજયસિંહજી ન્યૂ સ્કૂલ કે જે સરકારી શાળાઓ છે અને જેનું ધોરણ ૧૦ અને ધો. ૧ર નું બોર્ડનું ઝળહળતું પરિણામ આવ્યું છે. સરકારી શાળાઓ તરફ વાલીઓનો ઝુકાવ વધ્યો છે. તેમાંય જામનગરની સરકારી હાઈસ્કૂલમાં સારી સંખ્યા જોવા મળે છે. તાજેતરમાં જ ગુજરાત બોર્ડમાં સજુબા હાઈસ્કૂલની વિદ્યાર્થીનિઓ ધો. ૧૦ અને ધો. ૧ર માં ઝળકી છે તે ગૌરવની વાત છે. આચાર્યા બીનાબેન દવેએ સૌ વિદ્યાર્થીનિઓને અભિનંદન પાઠવ્યા છે. અને જામનગરની વધુમાં વધુ વિદ્યાર્થીનિઓ આ શાળામાં પ્રવેશ લઈ પોતાના ઉજ્જવળ ભવિષ્યની કેડી કંડારે તે માટે અનુરોધ કર્યો છે.
જામનગરની અન્ય એક સરકારી શાળા છે શ્રી દિગ્વિજયસિંહજી ન્યૂ સ્કૂલ કે જેનું ધોરણ ૧ર બોર્ડમાં ૯૬ ટકાથી વધુ પરિણામ આવ્યું છે અને માત્ર એક જ વિદ્યાર્થી નાપાસ થયેલ છે. સમયની સાથે શાળાના પરિણામમાં પણ ઉત્તરોત્તર વધારો થતો જોવા મળે છે. આ બંન્ને સરકારી શાળાઓએ જામનગરનું ગૌરવ વધાર્યું છે અને એક સંદેશો વહેતો મૂક્યો છે કે અહીં અનેકવિધ આયામોથી વિદ્યાર્થીઓની કારકિર્દીનું ઘડતર થાય છે. વાલીઓ તથા વિદ્યાર્થીઓ પણ ખુશખુશાલ છે. આ તકે જામનગર જિલ્લા શિક્ષણાધિકારી બી.એન. વીડજાએ આ બન્ને સરકારી શાળાઓના આચાર્ય બીનાબેન દવે, બી.બી. કળસારીયા, વિદ્યાર્થીઓ તેમજ સ્ટાફને અભિનંદન પાઠવ્યા છે અને વિદ્યાર્થીઓ અને વાલીઓને શાળાઓમાં વધુમાં વધુ પ્રવેશ મેળવવા અનુરોધ કર્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
