Author: નોબત સમાચાર
ખંભાળિયા પાસે ગમખ્વાર અકસ્માતમાં રિક્ષાના ચાલક પ્રૌઢનું નિપજ્યું મૃત્યુ
પુરપાટ દોડી આવેલી મોટરે સર્જયો અકસ્માતઃ
ખંભાળિયા તા. ૩૧: ખંભાળિયા-દ્વારકા ધોરીમાર્ગ પર ગઈરાત્રે એક રિક્ષાને મોટરે ઠોકર મારતા રિક્ષાચાલક ખંભાળિયાના પ્રૌઢનું ગંભીર ઈજા થવાથી મૃત્યુ થયું છે. પોલીસે ગુન્હો નોંધવાની તજવીજ હાથ ધરી છે.
ખંભાળિયાથી દ્વારકા વચ્ચેના ધોરીમાર્ગ પર ખંભાળિયાથી ત્રણેક કિ.મી. દૂર ગઈરાત્રે એક રિક્ષા તથા મોટર વચ્ચે અકસ્માત સર્જાયો હતો. જેમાં રિક્ષાચાલક ખંભાળિયાના અનવરશા નામના પંચાવન વર્ષના પ્રૌઢનું ગંભીર ઈજા થવાથી મૃત્યુ નિપજ્યું છે.
ખંભાળિયાના આ પ્રૌઢ ગઈકાલે રાત્રે પોતાની રિક્ષામાં ખંભાળિયાથી રવાના થયા પછી હાઈવે પર આવેલી સરકારી હોસ્પિટલથી આગળ પહોંચ્યા ત્યારે એક મોટર ધસી આવી હતી. તેના ચાલકે ઠોકર મારી અકસ્માત સર્જતા રિક્ષામાંથી ફેંકાઈ ગયેલા અનવરશાને ગંભીર ઈજા થઈ હતી. તેઓને ૧૦૮ મારફત ખંભાળિયા હોસ્પિટલમાં લઈ જવાયા હતા. જ્યાં ફરજ પરના તબીબે તેઓને ચકાસ્યા પછી મૃત્યુ પામેલા જાહેર કર્યા હતા. બનાવની જાણ થતાં ખંભાળિયા પોલીસ દોડી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
