Author: નોબત સમાચાર
ઓખાના આર.કે. બંદર પાસે હિટ એન્ડ રનના બનાવમાં માછીમારનું નિપજ્યું મૃત્યુ
અજાણ્યું વાહન ઠોકર મારીને નાસી ગયું:
જામનગર તા. ૩૧: ઓખા પોર્ટ પાસે ટાટા પ્લોટ રોડ પર સોમવારે સાંજે એક માછીમારને અજાણ્યું વાહન ઠોકર મારીને નાસી ગયું હતું. ગંભીર ઈજા પામેલા માછીમારનું મૃત્યુ નિપજ્યું છે. હિટ એન્ડ રનના આ બનાવની પોલીસે તપાસ શરૂ કરી છે.
દેવભૂમિ દ્વારકા જિલ્લાના ઓખામાં આર.કે. બંદર પર માછીમારી માટે આવીને રહેતા નવસારી જિલ્લાના વતની શૈલેષભાઈ નારણભાઈ ટંડેલ ત્યાં વસવાટ કરી શિવાંજલિ બોટમાં કામ પર ચઢ્યા હતા.
આ યુવાન સોમવારે સાંજે ટાટા પ્લોટ રોડ પરથી પસાર થતા હતા ત્યારે એક અજાણ્યું વાહન ફૂલસ્પીડમાં ધસી આવ્યું હતું. તેના ચાલકે શૈલેષભાઈને હડફેટે લેતાં રોડ પર જોશભેર પછડાયેલા આ યુવાનનું ગંભીર ઈજા થવાથી મૃત્યુ નિપજ્યું હતું. અકસ્માત સર્જી અજાણ્યું વાહન સ્થળ પરથી નાસી ગયું હતું. અકસ્માતની જાણ થતા ઓખા મરીન પોલીસ સ્ટેશનનો સ્ટાફ દોડી આવ્યો હતો.
આ અકસ્માત અંગે મૂળ નવસારીના અને હાલમાં ઓખામાં બર્માસેલ કવાર્ટરમાં રહેતા યશસ્વી જેરાભાઈ ટંડેલે પોલીસમાં ફરિયાદ નોંધાવી છે. પોલીસે હિટ એન્ડ રનના આ બનાવની તપાસ આરંભી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
