Author: નોબત સમાચાર
જામનગરના આંગણે ગુજરાતના ૧૦૧ ગાયક કલાકારોનું સન્માન કરવાનો સમારોહ
જામનગર તા. ૩૧: જામનગરના એમ.કે. ઈવેન્ટ્સ, સીનેટયુન ઈવેન્ટસ, એસ.જી. ઈવેન્ટસ અને રફી ફેન ક્લબના સંયુક્ત ઉપક્રમે સમગ્ર ગુજરાતમાંથી પસંદગી પામેલ ૧૦૧ ગાયક કલાકારોનું સન્માન કરવાનો અનોખો કાર્યક્રમ ચેમ્બર ઓડીટોરિયમમાં યોજાયો હતો.
આ સમારોહમાં બીનાબેન મોડના રૂદ્ર દાંડીયા ક્લાસના બહેનો અને બાળાઓએ પરફોર્મન્સ રજૂ કર્યા હતાં. દરેકને બીનાબેન તરફથી ડ્રેસની ભેટ આપવામાં આવી હતી. ધાર્મી મહેતાએ ગણેશ સ્તુતિ ઉપર ક્લાસીકલ નૃત્યુ રજૂ કર્યુ હતું. જાણીતા જાદુગર રોબર્ટે તેના જાદુના પ્રયોગો રજૂ કર્યા હતાં. જ્યારે કોમેડી કલાકાર ધારશીભાઈ બરેડીયાએ હાસ્યરસની આઈટમો પ્રસ્તૂત કરી હતી.
સમગ્ર સમારોહનું સંચાલન મુન્નાખાન પઠાણ, આનંદભાઈ માડમ, બિમલભાઈ ઓઝા તેમજ સહયોગી સીરાજ બુરબાન અને માલાબેન નિમાવતે કર્યુ હતું. રાજકોટના જાણીતા એનાઉન્સર તેજસભાઈ સીસાંગીયાએ પ્રાસંગિક વક્તવ્ય આપ્યું હતું. ડીજે જયદેવ પુરોહિતે સંગીત વ્યવસ્થા સંભાળી હતી.
આ સમારોહના મુખ્ય સ્પોન્સર તરીકે અમીતભાઈ જુગતીયાએ તેમજ અન્ય સહપ્રાયોજકોએ સહયોગ આપ્યો હતો. સમગ્ર ગુજરાતના ગાયક કલાકારોનું એક જ મંચ ઉપર સન્માન કરવાનો કાર્યક્રમ સૌપ્રથમ વખત સફળતાપૂર્વક સંપન્ન થયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
