Author: નોબત સમાચાર
છોટા હાથીના ચોરખાનામાંથી દારૃની નીકળી પડી ૧૦૧ બોટલઃ ત્રણની અટક
ઓખામંડળના ગઢેચી પાસે પોલીસનો દરોડોઃ
જામનગર તા. ૪ઃ ઓખા મંડળના ગઢેચી ગામ પાસેથી પસાર થતાં માલવાહક છોટા હાથીને પોલીસે શકના આધારે રોકાવી ચેક કરતા તે વાહનના ચોરખાનામાંથી અંગ્રેજી શરાબની બે બ્રાંડની ૧૦૧ બોટલ મળી આવી છે. તે જથ્થા સાથે કચ્છના ત્રણની ધરપકડ કરાઈ છે.
દેવભૂમિ દ્વારકા જિલ્લાના મીઠાપુર પોલીસ સ્ટેશનના સ્ટાફ દ્વારા કરવામાં આવી રહેલા પેટ્રોલિંગમાં ગઢેચી ગામના ચાર રસ્તા પાસેથી એક છોટા હાથી પસાર થયું હતું.
આ વાહનને પોલીસે શકના આધારે રોકાવી તેની તલાશી લેતાં કંઈ મળ્યું ન હતું. તેમ છતાં પોલીસે તલાશી યથાવત રાખી હતી. જેમાં એક ચોરખાનુ નજરે પડ્યું હતું તેને ખોલાવાતા તેમાંથી ભારતીય બનાવટના અંગ્રેજી શરાબની ૧૦૧ બોટલ નીકળી પડી હતી. પોલીસે બોટલ, છોટા હાથી, ત્રણ મોબાઈલ કબજે કર્યા છે અને ગાંધીધામના રાપર તાલુકાના સંજય ડાયાભાઈ પરમાર, નાનજી બિજલભાઈ વાઘેલા, દિનેશ અમરશીભાઈ વાઘેલા નામના ત્રણ શખ્સની ધરપકડ કરી છે. આ શખ્સોએ ભીમાસર ગામના સુરેશ નથુભાઈ સલાણીનું નામ આપ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
