Author: નોબત સમાચાર
હાપા યાર્ડ પાસે આવેલા મકાનમાં સાડા આઠ તોલા સોનાના દાગીનાની ચોરી
મકાનના દરવાજાનું તાળુ તોડી કરાઈ ઉઠાંતરીઃ
જામનગર તા. ૪ઃ જામનગર નજીકના હાપા માર્કેટીંગ યાર્ડ પાસે એક મકાનમાં સપ્તાહ પૂર્વે બપોરના એક વાગ્યાથી સાંજના પોણા છ વાગ્યા દરમિયાન મકાનમાં ચોરી થઈ છે. મુખ્ય દરવાજાનું તાળુ તોડી તસ્કરોએ અંદરથી નવું તથા જૂનું સોનુ મળી સાડા આઠેક તોલાના દાગીના ઉઠાવી પોલીસને પડકારી છે.
જામનગર નજીકના હાપા પાસે માર્કેટીંગ યાર્ડ રોડ નજીક વાડી વિસ્તારમાં રહેતા ચૌહાણ ધર્મેશભાઈ દેવશીભાઈ સતવારાના મકાનમાં ગઈ તા.૨૫ની બપોરે એકાદ વાગ્યે કોઈ તસ્કર મુખ્ય દરવાજાનું તાળું તોડી ઘૂસી ગયો હતો.
આ તસ્કરે પોણા છ વાગ્યા સુધીમાં તે મકાનમાંથી દાગીનાની ચોરી કરી હતી. તે મકાનમાં રાખવામાં આવેલા ધર્મેશભાઈના વડીલોના વખતના સોનાના દાગીના ચોરાયા છે. તસ્કરે દોઢેક તોલાનો સોનાનો હાર, બે તોલાની લક્કી, બે તોલા વજનની સોનાની બે બંગડી, અડધા તોલાની બે વીટી, બે વર્ષ પહેલાં ખરીદવામાં આવેલો એક તોલાનો ચેન, અડધા તોલાનું પેંડલ મળી અંદાજે રૃા.૨,૧૦,૦૦૦ની કિંમતના સાડા આઠ તોલા વજનના સોનાના દાગીનાની ચોરી કરી લીધી છે.
ચોરીની ધર્મેશભાઈએ સિટી-એ ડિવિઝન પોલીસ સ્ટેશનમાં ફરિયાદ નોંધાવી છે. પોલીસે આઈપીસી ૩૮૦, ૪૫૪ હેઠળ ગુન્હો નોંધી ત્યાં રહેલા કેટલાક સીસીટીવી ફૂટેજ ચકાસ્યા છે અને તપાસ શરૃ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
