Author: નોબત સમાચાર
ખોડિયારકોલોની પાસે બેંકમાંથી બહાર નીકળતા ઢળી પડેલા મહિલાનું મૃત્યુ
મૃતકના પતિનું પોલીસે નોંધ્યું નિવેદનઃ
જામનગર તા. ૪ઃ જામનગરના ખોડિયાર કોલોની પાસે આવેલી એક બેંકમાંથી બહાર નીકળતી વેળાએ ઢળી પડેલા મહિલાનું મૃત્યુ નિપજ્યું છે. પોલીસે તેઓના પતિનું નિવેદન નોંધી આગળની કાર્યવાહી કરી છે.
જામનગરના ખોડિયાર કોલોની વિસ્તારમાં આવેલા ક્રિસ્ટલ મોલ નજીક બેંક ઓફ બરોડામાં ગઈકાલે બપોરે અંધાશ્રમ નજીક આવેલી બોમ્બે દવા બજાર કોલોનીમાં રહેતા શકુબેન દેવરામભાઈ યાદવ ઉર્ફે શકુબાઈ (ઉ.વ.૬૧) નામના મહિલા અને તેમના પતિ કામથી આવ્યા હતા.
કામ પૂર્ણ થયા પછી શકુબેન બહાર નીકળતા હતા ત્યારે અચાનક જ ઢળી પડતા અને તેઓના મ્હોંમાં ફીણ આવી જતાં કોઈએ પોલીસ તથા મોક્ષ ફાઉન્ડેશનના વિક્રમસિંહ ઝાલાને જાણ કરતા પીએસઆઈ એન.પી. જોષી, જમાદાર ફિરોઝ દલ તેમજ સમાજ સેવક વિક્રમસિંહ આવી પહોંચ્યા હતા. તેઓએ આ મહિલાને હોસ્પિટલમાં ખસેડ્યા હતા જ્યાં તેઓનું મૃત્યુ નિપજ્યું હતું. મૃતકના સગા સંબંધીની પોલીસે તપાસ શરૃ કરી હતી.
તે દરમિયાન શકુબેનના પતિ દેવરામભાઈ બુધાજીનો સંપર્ક થયો હતો. તેઓએ પોતાના પત્નીને ઓળખી બતાવ્યા હતા. તેઓના જણાવ્યા મુજબ તેમના પત્ની બીમાર પણ હતા અને ગઈકાલે બેંકમાં કામથી આવ્યા પછી પરત જતી વખતે ઢળી પડ્યા પછી મૃત્યુ પામ્યા છે. પોલીસે અપમૃત્યુ અંગે નોંધ કરી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
