Author: નોબત સમાચાર
દેડકદળ પાસે ચેકપોસ્ટ પરથી દારૃની બોટલ લઈને જતો નગરનો શખ્સ ઝબ્બે
રિક્ષામાંથી મળી આવ્યો દોઢસો લીટર દેશી દારૃઃ
જામનગર તા. ૪ઃ ધ્રોલ નજીક દેડકદળ ગામ પાસે શરૃ કરાયેલી ચેકપોસ્ટ પરથી ગઈકાલે જામનગરનો એક શખ્સ દારૃની બે બોટલ સાથે ઝડપાયો છે. દરેડમાંથી બોટલ સાથે એકની ધરપકડ કરાઈ છે. ઉપરાંત સ્મશાન ચોકડી નજીક રિક્ષામાંથી દોઢસો લીટર દેશી દારૃ સાથે બે શખ્સ ઝડપાયા છે.
જામનગર-રાજકોટ માર્ગ પર ધ્રોલ નજીક દેડકદળ પાસે શરૃ કરવામાં આવેલી ચેકપોસ્ટ પરથી ગઈકાલે રાત્રે જામનગરના ધરારનગરમાં રહેતો રીયાઝ વલીમામદ સમા નામનો શખ્સ પસાર થયો હતો. તેને રોકાવી ધ્રોલ પોલીસે તલાશી લેતા આ શખ્સના કબજામાંથી ઈંગ્લીશ દારૃની બે બોટલ મળી આવી હતી. પોલીસે રૃા.૩ હજારની બે બોટલ કબજે કરી છે.
જામનગર નજીકના દરેડ પાસે પટેલ ગલી નજીકથી પસાર થતાં શ્યામદેવ રામબલી યાદવ નામના શખ્સને પોલીસે રોકી ચેક કરતા તેની પાસેથી દારૃની બોટલ મળી હતી.
જામનગરના નાગનાથ નાકા આગળ સ્મશાન ચોકડી પાસેથી ગઈકાલે રાત્રે પસાર થતી જીજે-૩૭-યુ ૧૩૪૩ નંબરની રિક્ષાને પોલીસે રોકી ચેક કરતા તેમાંથી દોઢસો લીટર દેશી દારૃ મળી આવ્યો હતો. દારૃ તથા રિક્ષા કબજે કરી પોલીસે રિક્ષામાં જઈ રહેલા અંધાશ્રમ ફાટક પાસેના જૂના આવાસમાં રહેતા ધર્મેન્દ્રસિંહ વિરેન્દ્રસિંહ સોઢા અને રવિરાજસિંહ મહાવીરસિંહ ઝાલા નામના બે શખ્સની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
