Author: નોબત સમાચાર
તળાવમાં ડૂબી જતાં યુવતીનું મૃત્યુ
ભાણવડના રેટા કાલાવડમાં યુવતીને સર્પદંશઃ
જામનગર તા. ૨૯: કલ્યાણપુરના ભાટવડીયા ગામના તળાવમાં ન્હાવા ઉતરેલા બરડીયા ગામના યુવતીનું ડૂબી જવાથી મૃત્યુ નિપજ્યું છે. જ્યારે ભાણવડના રેટા કાલાવડ ગામની સીમમાં નિદ્રાધીન તરૂણીને કોઈ ઝેરી જનાવર કરડી જતાં તેણીનું મૃત્યુ થયું છે. પોલીસે બંને બનાવની તપાસ હાથ ધરી છે.
દેવભૂમિ દ્વારકા જિલ્લાના કલ્યાણપુર તાલુકાના ભાટવડીયા ગામની સીમમાં આવેલા તળાવમાં ગયા શનિવારે સાંજે બરડીયા ગામના લાભુબેન રાયમલભાઈ પરમાર નામના બાવીસ વર્ષના રબારી યુવતી ન્હાવા માટે ઉતર્યા પછી કોઈ રીતે ડૂબી ગયા હતા. આ યુવતીનું મૃત્યુ નિપજ્યાનું રાયમલ પરમારે પોલીસમાં જાહેર કર્યું છે.
ભાણવડ તાલુકાના રેટા કાલાવડ ગામમાં ગોવાભાઈ લક્ષ્મણભાઈ કારેણા નામના ખેડૂતના ખેતરમાં મજૂરીકામ માટે આવીને રહેતા મૂળ મધ્યપ્રદેશના અલીરાજપુર જિલ્લાના વતની ઉમરસિંગ રાવતે એક ખેતર ભાગમાં વાવવાનું શરૂ કર્યા પછી તેઓની સત્તર વર્ષની પુત્રી કુસુમ રવિવારની રાત્રે ખેતર સ્થિત ઓરડીમાં નિદ્રાધીન થઈ હતી. આ તરૂણીને કોઈ ઝેરી જનાવર કરડી જતાં ઉલ્ટી તથા ખેંચ આવવાનું શરૂ થયું હતું. તેણીને સારવાર માટે પોરબંદરના અડવાણા ગામ લઈ જવાતા હતા ત્યારે માર્ગમાં જ મોતનો પંજો પડ્યો છે. કાદુભાઈ પાનરસિંગ કીરાડે પોલીસને વાકેફ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
