Author: નોબત સમાચાર
લાલપુર ધોરીમાર્ગ પર માઈલસ્ટોન સાથે બાઈક ટકરાઈ પડતા યુવાનનું થયું મૃત્યુ
એકના એક પુત્રએ અનંતની વાટ પકડતા પરિવાર સ્તબ્ધઃ
જામનગર તા. ૨૯: જામનગર-લાલપુર રોડ પર શનિવારે સર્જાયેલા અકસ્માતમાં નગરના ગોલારાણા પરિવારના એકના એક પુત્રનું મૃત્યુ થયું છે. સાથે રહેલા મિત્રને ગંભીર ઈજા થઈ છે. આ યુવાનો આઈટીઆઈમાં અભ્યાસ કરતા હતા. તેમનું બાઈક રોડ પરના માઈલ સ્ટોનમાં ટકરાઈ પડતા આ અકસ્માત સર્જાયો હતો.
જામનગરના પંચેશ્વર ટાવર રોડ પર ચાની હોટલ ચલાવતા અને સેન્ટ્રલ બેંક રોડ પર વસવાટ કરતા સુરેશભાઈ દાવડા નામના ગોલારાણા પ્રૌઢનો ત્રેવીસ વર્ષનો પુત્ર ઉદય તથા તેનો મિત્ર શનિવારે સુઝૂકી કંપનીના ઝીકસર મોટરસાયકલ પર જામનગરથી લાલપુર જતા હતા ત્યારે માર્ગમાં તેઓને અકસ્માત નડ્યો હતો.
લાલપુર પાસે આઈટીઆઈ સંસ્થામાં અભ્યાસ કરતા ઉદયને શનિવારે સંસ્થા પર જવાનું હોવાથી તેને કાયમ મુજબ પવનચક્કી પાસે મુકવામાં આવ્યો હતો. ત્યાં સાથી વિદ્યાર્થી આવ્યો હતો તેણે આજે સંસ્થામાં ફંક્શન હોવાથી બાઈક લઈને જઈએ તેમ કહેતા બંને યુવાનો ઝીકસર પર નીકળ્યા હતા.
માર્ગમાં તેઓનું બાઈક રોડની સાઈડમાં લગાડેલા માઈલ સ્ટોન સાથે ધડાકાભેર ટકરાઈ પડતા બાઈક ચલાવી રહેલા ઉદયનું માથું ફાટી ગયું હતું અને આ યુવાનનું ઘટના સ્થળે જ મૃત્યુ નિપજ્યું હતું. જ્યારે સાથે રહેલા અરવલ્લી જિલ્લાના યુવાનને પણ ગંભીર ઈજા થઈ છે.
વધુમાં જાણવા મળ્યા મુજબ ઉદયની થોડા સમય પહેલા સગાઈ થઈ હતી. બે મહિના પછી આ યુવાનના લગ્ન નિર્ધારવામાં આવ્યા હતા. કોરોનાકાળમાં આ યુવાને માતાની છત્રછાયા ગૂમાવ્યા પછી અકસ્માતમાં ભોગ બની અનંતની વાટ પકડી છે. આ યુવાન તેના પિતાનો એકનો એક પુત્ર હતો. ઉદયે હજુ શનિવારે પોતાની બહેનને દિવાળી નિમિત્તના કામમાં હાથ આપશે તેમ કહ્યા પછી અચાનક જ અકસ્માતમાં અનંતની વાટ પકડી લીધી છે. તેનો પરિવાર સ્તબ્ધ બની ગયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
