Author: નોબત સમાચાર
સલમાન ખાન-જીશાન સિદ્દીકીને ધમકી આપનાર આરોપી નોઈડામાંથી દબોચાયો
મુંબઈ પોલીસે નોઈડા પહોંચી કરી ધરપકડઃ
મુંબઈ તા. ર૯: સલમાન ખાન અને જીશાન સિદ્દીકીને ધમકી આપનાર આરોપીને નોઈડામાંથી દબોચી લીધો છે. મુંબઈથી નોઈડા પહોંચીને પોલીસે તેની ધરપકડ કરી હતી.
ફિલ્મ અભિનેતા સલમાન ખાન અને જીશાન સિદ્દીકીને ધમકી આપનાર વ્યક્તિ યુપીના બરેલીનો રહેવાસી છે. તે નોઈડામાં છૂપાયો હોવાની માહિતી મુંબઈ પોલીસને મળી હતી. આ પછી મુંબઈ પોલીસની એક ટીમ નોઈડા પહોંચી છે, જ્યાં તેની સેક્ટર ૩૯ માંથી ધરપકડ કરવમાં આવી હતી.
ધરપકડ કરાયેલા છોકરાનું નામ ગુફરાન ખાન છે. જેની ઉંમર ર૦ વર્ષ હોવાનું કહેવાય છે. શુક્રવારે જીશાન સિદ્દીકીની ઓફિસમાં ધમકીભર્યો ફોન આવ્યો હતો. આ પછી મુંબઈ પોલીસે અજાણ્યા વ્યક્તિ વિરૂદ્ધ કેસ નોંધ્યો હતો.
ક્રાઈમ બ્રાન્ચની ટીમે આરોપીની ધરપકડ કરી છે. શુક્રવારે આરોપીએ બાંદ્રા પૂર્વમાં ઝીશાન સિદ્દીકીની જનસંપર્ક કાર્યાલય પર ફોન કરીને પૈસાની માંગણી કરી હતી. ઝીશાન અને સલમાન ખાનને મારી નાખવાની ધમકી પણ આપી હતી.
મુંબઈ પોલીસને માહિતી મળી હતી કે આરોપી ગુફરાન ખાન નોઈડામાં છૂપાયો છે. આ પછી મુંબઈ પોલીસની એક ટીમ નોઈડાના સેક્ટર ૩૯ વિસ્તારમાંથી ગુફરાન ઉર્ફે તૈયબની ધરપકડ કરવામાં આવી હતી. ગુફરાન બરેલીનો રહેવાસી છે. પોલીસ સૂત્રોએ જણાવ્યું કે આરોપી ગુફરાને વોટ્સએપ કોલ દ્વારા ધમકી આપી હતી.
ઝીશાન સિદ્દીકીના ઓફિસના કર્મચારીએ મુંબઈના નિર્મલ નગર પોલીસ સ્ટેશનમાં ફરિયાદ નોંધાવી હતી. આ પછી અજાણ્યા લોકો સામે કેસ નોંધવામાં આવ્યો હતો. પોલીસની પ્રાથમિક તપાસમાં આરોપીઓનું કોઈ ગેંગ સાથે કનેક્શન સામે આવ્યું નથી, જો કે અગાઉ એવી આશંકા વ્યક્ત કરવામાં આવી હતી કે આ કામ લોરેન્સ બિશ્નોઈના સાગરિતો કરી શકે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
