Author: નોબત સમાચાર
ખંભાળિયાના શિરેશ્વર લોકમેળામાં ખોવાઈ ગયેલા બાળકોનો પરિવાર સાથે મિલાપ?
લાખોની જનમેદની વચ્ચે પોલીસ ખડેપગે
ખંભાળિયા તા.૯: ખંભાળિયાના શિરેશ્વર મહાદેવ મંદિરે યોજાયેલા પ્રસિદ્ધ લોકમેળામાં મ્હાલવા માટે રોજેરોજ દોઢેક લાખ લોકો ઉમટી રહ્યા છે. આટલી ગીરદી વચ્ચે પણ પોલીસ કાયદો તથા વ્યવસ્થાની પરિસ્થિતિ સારી રીતે જાળવી રહી છે. મેળામાં ખોવાઈ ગયેલા સંખ્યાબંધ બાળકોને તેમના માતાપિતા સાથે મેળવી આપવામાં આવ્યા છે.
ખંભાળિયાના શિરેશ્વર મહાદેવ મંદિરે યોજાયેલા લોકમેળામાં રોજેરોજ દોઢેક લાખ લોકો ઉમટી રહ્યા છે ત્યારે કાયદો તથા વ્યવસ્થાની પરિસ્થિતિ માટે પોલીસ ખડેપગે ફરજ પર હાજર છે.
મેળામાં કેટલાક બાળકો પોતાના માતા-પિતાથી વિખૂટા પડી ગયા હતા. તેઓનો પોલીસે મિલાપ કરાવી આપ્યો હતો. તે ઉપરાંત સંખ્યાબંધ લોકોના વાહનો પણ ગુમ થઈ ગયા હતા. તેને પણ પોલીસે શોધી આપ્યા છે. ઉપરાંત મેળાના પ્રથમ દિવસે એક મોટરમાં કોઈ રીતે આગ ભભૂકી ઊઠી હતી. ત્યાં ધસી આવેલા ફાયર સ્ટાફે આગ પર કાબૂ મેળવી લીધો હતો.
લોકમેળામાં ઉમટતી જનમેદની વચ્ચે અસામાજિક તત્ત્વો અને ખિસ્સાકાતરૂ ટોળકીઓ સક્રિય થતી હોય છે. તેના પર પોલીસ દ્વારા સીસીટીવી કેમેરાના માધ્યમથી ચકોર નજર રાખવામાં આવી રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
