Author: નોબત સમાચાર
બચુનગરમાં આવેલા વાડામાંથી ઈંગ્લીશ દારૂની ૮૪૦ બોટલ ઝબ્બેઃ આરોપી નાસી જવામાં સફળ
અન્ય ત્રણ દરોડામાં છ બોટલ દારૂ ઝડપાયોઃ
જામનગર તા. ૯: જામનગરના વાઘેરવાડા નજીક બચુનગરમાં એક વાડામાં દારૂનો જથ્થો પડયો હોવાનું બાતમી પરથી ગઈકાલે એલસીબીએ દરોડો પાડયો હતો. તે વાડામાંથી ઈંગ્લીશ દારૂની ૮૪૦ બોટલ મળી આવી હતી. જ્યારે જડેશ્વર ચોકડી પાસેથી એક શખ્સ ત્રણ બોટલ સાથે, દડીયા પાસેથી એક શખ્સ એક બોટલ સાથે અને વામ્બે આવાસ પાસેથી બે બોટલ સાથે બે શખ્સ પોલીસના દરોડામાં ઝડપાયા હતાં.
જામનગરના વાઘેરવાડા નજીક બચુનગરમાં એક શખ્સના વાડામાં દારૂનો જથ્થો પડયો હોવાની બાતમી એલસીબીના એએસઆઈ દિલીપ તલાવડીયા, રૂષિરાજસિંહ વાળા, હરદીપ બારડ, હિતેન્દ્રસિંહ જાડેજાને મળતાં પી.આઈ. વી.એમ. લગારીયાની સુચનાથી પીએસઆઈ પી.એન. મોરી સહિતના સ્ટાફે મોહસીન મહંમદ ભાયા નામના શખ્સના વાડામાં દરોડો પાડયો હતો. ત્યાંથી ભારતીય બનાવટના અંગ્રેજી શરાબની ૮૪૦ બોટલ મળી આવી હતી. એલસીબીના દરોડા પહેલાં આરોપી મોહસીન નાસી ગયો હતો.
જામનગરના વામ્બે આવાસ રોડ પર આઠમાળીયા નજીક ગઈકાલે સાંજે એક બાઈકમાં દારૂની હેર-ફેર થતી હોવાની બાતમી પરથી સિટી સી ડિવિઝનના સ્ટાફે વોચ રાખી હતી. જેમાં જીજે-૧૦-બીએસ-૯ર૭૩ નંબરના બાઈકમાં જતાં પ્રદીપસિંહ સવાજી રાઠોડ, ખજેન્દ્રસિંહ વિક્રમસિંહ જાડેજા નામના શખ્સોને પોલીસે રોકાવી ચેક કરતાં દારૂની બે બોટલ મળી આવી હતી. પોલીસે બોટલ તથા બાઈક કબ્જે કર્યા છે.
જામનગરથી દડીયા તરફ જવાના રસ્તા પરથી ગઈકાલે બાપોરે લાવડીયા ગામના દીરેશ ટપુભાઈ શેખા નામના શખ્સને દારૂની બોટલ સાથે પોલીસે પકડી પાડયો છે.
જામનગરના રણજીતસાગર રોડ પર આવેલા જડેશ્વર ચાર રસ્તા પાસેથી શનીવારે રાત્રે હર્ષ રાજેશભાઈ ખતવાણી નામનો શખ્સ જીજે-૧૦-બીએચ-૮૮૬ર નંબરના સ્કુટરમાં જતો હતો ત્યારે પોલીસે તેને રોકી લીધો હતો. સ્કુટરની તલાસી લેવાતા તેમાંથી દારૂની ૩ બોટલ મળી આવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
