Author: નોબત સમાચાર
જામનગરમાં યોજાઈ ઓપન સૌરાષ્ટ્ર મોદક સ્પર્ધાઃ વિજેતાઓને પુરસ્કાર
બ્રહ્મ સોશ્યલ ગ્રુપ દ્વારા ગણેશચતુર્થીના દિવસે
જામનગર બ્રહ્મ સોશ્યલ ગ્રુપ દ્વારા આજે ગણેશ ચતુર્થીના પાવન પર્વ નિમિત્તે ૧પમાં વર્ષે ઓપન સૌરાષ્ટ્ર મોદક (લાડુ) આરોગવાની સ્પર્ધાનું આયોજન કરવામાં આવ્યું હતું. ભાટની આંબલી પાસે ગીરીનારાયણ બ્રાહ્મણ સમાજની વાડીમાં આજે યોજાયેલ લાડુ સ્પર્ધામાં કુલ ૪૯ લોકોએ ભાગ લીધો હતો. જેમાં ૩૩ ભાઈઓ, ૬ બહેનો અને ૧૦ બાળકોનો સમાવેશ થાય છે. આ સમયે સંસ્થાના પ્રમુખ કીર્તિભાઈ કલ્યાણી, મંત્રી મનિષ રાવલ અને પ્રોજેકટ ચેરમેન વિજય ત્રિવેદી અને તેની ટીમ ઉપસ્થિત રહ્યા હતાં અને કાર્યક્રમ સફળ બનાવ્યો હતો. સમગ્ર કાર્યક્રમમાં મુખ્ય મહેમાન તરીકે ડિસ્ટ્રીકટ બેન્કના ચેરમેન જીતુભાઈ લાલ તથા અતિથિ વિશેષ તરીકે શિવસાગર શર્મા, કોર્પોરેટર સુભાષ જોષી, ચંદુભાઈ રાજ્યગુરૂ, અશોકભાઈ ભટ્ટ વગેરે ઉપસ્થિત રહ્યા હતાં. ભાઈઓ-બહેનો અને બાળકો એમ ત્રણ કેટેગરીમાં આ સ્પર્ધા યોજાઈ હતી અને વિજેતાઓને પુરસ્કાર આપી સન્માનિત કરાયા હતાં. ભાઈઓમાં કાનજીભાઈ મકવાણાએ ૧ર લાડું બહેનોમાં પદમીનીબેન ગજેરાએ ૯ લાડું અને બાળકોના વિભાગમાં આરૂષ ઠાકરે પાંચલાડું ખાઈને પ્રથમ નંબર હાંસલ કર્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
