Author: નોબત સમાચાર
દ્વારકા જિલ્લામાં ઉજવાયો મહિલા અને બાળ આરોગ્ય દિવસ
રેલી, રસોઈ શો, નિદાન કેમ્પો યોજાયા
ખંભાળિયા તા. ૯: નારી વંદન ઉત્સવ ર૦ર૪ અંતર્ગત દેવભૂમિ દ્વારકા જિલ્લામાં 'મહિલા અને બાળ આરોગ્ય દિવસ'ની ઉજવણી કરવામાં આવી હતી.
'નારી વંદન ઉત્સવ' અંતર્ગત 'મહિલા અને બાળ આરોગ્ય દિવસ'ની ઉજવણી પ્રોજેક્ટ તૃષ્ટિ અને આઈ.સી.ડી.એસ. શાખા, મહિલા અને બાળ અધિકારીની કચેરી તથા આરોગ્ય વિભાગના સંયુક્ત ઉપક્રમે કલ્યાણપુર તાલુકાના ભાટિયામાં કાર્યક્રમનું આયોજન કરવામાં આવ્યું હતું. જેમાં આંગણવાડીમાં પૂરક પોષણમાંથી બનેલ વાનગીઓનું નિદર્શન તથા ટીએચઆરમાંથી આરોગ્યપ્રદ વાનગી માટે રસોઈ શો યોજાયો હતો.
આ ઉપરાંત બ્લોક કચેરી ખંભાળિયાથી 'મહિલા અને બાળ આરોગ્ય જાગૃતિ' રેલી યોજાઈ હતી. રેલીમાં મહિલા અને બાળ અધિકારીની કચેરી હસ્તકના વિવિધ પ્રકલ્પોના કર્મચારીઓ, આરોગ્ય વિભાગના કર્મચારીઓ જોડાઈ 'બેટી બચાઓ બેટી પઢાઓ' અને 'મહિલા અને બાળ આરોગ્ય'ને લગતા નારા લગાવ્યા હતાં તથા તમામ સીએચસી અને પીએચસીમાં સ્ત્રી રોગ નિદાન કેમ્પનું આયોજન કરવામાં આવ્યું હતું, જ્યાં એનિમિયા પેપ સ્મિયર ટેસ્ટ આયર્ન ફોલિક એસિડ ટેબ્લેટ વિતરણ સેનેટરી પેડ વિતરણ, બી.એમ.આઈ. હિમોગ્લોબિન તપાસ, આરોગ્ય તપાસ કરવામાં આવી હતી.
આ કાર્યક્રમોમાં અગ્રણીઓ, પ્રોજેક્ટ તૃષ્ટિીની સમગ્ર ટીમ, આરોગ્ય વિભાગના ડી.પી.એચ.એન. જશુબેન ચાવડા, ટી.એચ.વી. અને મહિલા અને બાળ અધિકારીની કચેરી હસ્તકના વિવિધ પ્રકલ્પોના કર્મચારીઓ, આઈ.સી.ડી.એસ. જિલ્લા પંચાયતના મુખ્યસેવિકાઓ, આંગણવાડી કાર્યકરો, આશા વર્કરો અને બહોળી સંખ્યામાં મહિલાઓ ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
