Author: નોબત સમાચાર
જોડિયા તાલુકાના ભાદરા ગામે તાલુકા કક્ષાનો વન મહોત્સવ યોજાયો
જામનગર તા. ૯: જોડિયા તાલુકાના ભાદરા ગામે ભાદરા પ્રાથમિક શાળામાં તાલુકા કક્ષાના ૭પમાં વન મહોત્સવ કાર્યક્રમનું આયોજન કરવામાં આવ્યું હતું. કાર્યક્રમની શરૂઆત દીપ પ્રાગટ્ય કરીને કરવામાં આવી હતી. ત્યારબાદ સ્વાગત ગીત સાથે મહેમાનોનું તુલસીના રોપા અર્પણ કરીને તેમનું ભાવભીનું સ્વાગત કરવામાં આવ્યું હતું. ત્યારબાદ મંચસ્થ મહેમાનો અને શાળાના બાળકોએ વન અને પર્યાવરણનું મહત્ત્વ સમજાવતું પ્રાસંગિક ઉદ્બોધન રજૂ કર્યું હતું.
કાર્યક્રમમાં વન સંરક્ષણ માટે શ્રેષ્ઠ કામગીરી કરનારનું પ્રમાણપત્ર આપીને સન્માન કરવામાં આવ્યું હતું. તેમજ મહેમાનો દ્વારા વૃક્ષારોપણ કરવામાં આવ્યું હતું. સમગ્ર કાર્યક્રમનું સંચાલન ગામના તલાટી કમ મંત્રી વિપુલભાઈ પનારા અને શાળાના શિક્ષક ભાસ્કરભાઈ દ્વારા કરવામાં આવ્યું હતું. કાર્યક્રમના અંતે આભારવિધિ ફોરેસ્ટર કિશોરભાઈ દ્વારા કરવામાં આવી હતી. કાર્યક્રમમાં ગ્રામજનોને રોપાનું વિતરણ વન વિભાગ દ્વારા કરવામાં આવ્યું હતું.
ઉકત કાર્યક્રમમાં જિલ્લા પંચાયત જામનગરના કારોબારી અધ્યક્ષ ચંદ્રિકાબેન અઘેરા, ધ્રોલ માર્કેટિંગ યાર્ડના ડાયરેકટર રસિકભાઈ ભંડેરી, વન વિભાગમાંથી ફોરેસ્ટર ભાલિયા, ફોરેસ્ટર જાડેજા, તાલુકા અગ્રણી જેઠાલાલ અઘેરા, દામજીભાઈ, જોડીયા મામલતદાર કવાડીયા, જોડીયા તાલુકા વિકાસ અધિકારી ઠોરીયા, ગામના વહીવટદાર ગીરધરભાઈ ગઢીયા, જોડીયા તાલુકા પંચાયત અને જોડિયા ગ્રામ પંચાયતના સભ્યો, પ્રાથમિક શાળાના સ્ટાફ મિત્રો, વિદ્યાર્થીઓ અને બહોળી સંખ્યામાં ગ્રામજનો હાજર રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
