Author: નોબત સમાચાર
જામનગરના પ્રદર્શન મેદાનમાં બીજી-મે ના વડાપ્રધાન નરેન્દ્ર મોદી ગજવશે ચૂંટણી સભા
ભાજપના ઉમેદવાર પૂનમબેન માડમના પ્રચારાર્થે
જામનગર તા. રપઃ લોકસભાની સામાન્ય ચૂંટણી માટે વહીવટી વિભાગ અને રાજકીય પક્ષો બન્ને ભારે જહેમત ઉઠાવી રહ્યાં છે. નેતાઓ જનમેદનીને સંબોધન કરી મત અંકે કરવાનો પ્રયાસ કરી રહ્યાં છે.
ત્યારે વડાપ્રધાન ભાજપના ચૂંટણી પ્રચાર માટે તા. ર-પ-ર૦ર૪ ના જામનગર આવી રહ્યાં છે. તેઓ પ્રદર્શન મેદાનમાં સભાને સંબોધન કરશે.
દેશમાં લોકસભાની સામાન્ય ચૂંટણીનો માહોલ છવાયો છે. ગુજરાતમાં ત્રીજા તબક્કામાં તા. ૭મી મે ના મતદાન થનાર છે ત્યારે જામનગર બેઠકના ભાજપ અને કોંગ્રેસ ચૂંટણી જીતવા એડીચોટીનું જોર લગાવી રહી છે. જામનગર બેઠકના ભાજપના ઉમેદવાર પૂનમબેન માડમના ચૂંટણી પ્રચાર માટે દેશના વડાપ્રધાન નરેન્દ્ર મોદી આગામી તા. ર-મે ના જામનગર આવી રહ્યાં છે. તેઓ સાંજે પાંચ વાગ્યે શહેરના પ્રદર્શન મેદાનમાં જાહેર સભાને સંબોધન કરનાર છે.
આ સભામાં જામનગર અને દેવભૂમિ દ્વારકા જિલ્લાની તમામ વિધાનસભા બેઠકના વિસ્તારના લોકો ઉપસ્થિત રહેશે. વડાપ્રધાન નરેન્દ્ર મોદીના આગમનને લઈને વહીવટ, પોલીસ તંત્ર અને ભાજપ દ્વારા તડામાર તૈયારીઓ કરવામાં આવી રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
