Author: નોબત સમાચાર
દુશ્મનનો માણસ છો તેમ કહી રસ્તામાં રોકી યુવાન પર ત્રણ શખ્સે કર્યાે હુમલો
સાળી પર બનેવીએ મરચાની ભૂક્કી છાંટ્યાની રાવઃ
જામનગર તા. ૨૫: જામનગરના વામ્બે આવાસ રોડ પર મંગળવારે રાત્રે એક યુવાનને રોકાવી ત્રણ શખ્સે બેટ તથા ઢીકાપાટુથી ધોકાવી નાખ્યો હતો. દુશ્મનનો માણસ માની હુમલો કરાયાનું પોલીસ ફરિયાદમાં જણાવાયું છે. જ્યારે શંકરટેકરીમાં એક મહિલા પર તેના બનેવીએ મરચાની ભૂક્કી છાંટી ધમકી આપ્યાની ફરિયાદ નોંધાવી છે.
જામનગરના બેડેશ્વર વિસ્તાર પાસે વૈશાલીનગરમાં શેરી નં.૬માં રહેતા જયદીપ મનજીભાઈ રાઠોડ નામના યુવાન મંગળવારે રાત્રે વામ્બે આવાસ રોડ પર કોમલનગરના ઢાળીયા પાસેથી જીજે-૧૦-સીઆર ૬૧૫૬ નંબરના એક્ટિવા સ્કૂટરમાં જતા હતા.
આ વેળાએ ત્યાં મુન્ના વાઘેલા નામના શખ્સે સ્કૂટર ઉભુ રખાવી તું મારા દુશ્મનનો માણસ છો તેમ કહી ગાળો ભાંડ્યા પછી મુન્ના તથા તેની સાથે રહેલા બે અજાણ્યા શખ્સે ઢીકાપાટુ તથા બેટથી હુમલો કરી માર માર્યાે હતો. સિટી સી ડિવિઝનમાં જયદીપે ફરિયાદ નોંધાવી છે.
જામનગરના ગોકુલનગર નજીક કૈલાસનગરની શેરી નં.પમાં રહેતા અંજુમબેન અનવર ઉર્ફે અન્ના ખફી નામના મહિલાએ પોતાના બનેવી શંકરટેકરીમાં નવી નિશાળ પાસે રહેતા વસીમ ખફી સામે વળતી ફરિયાદ નોંધાવી છે.
આ મહિલાએ ફરિયાદમાં જણાવ્યા મુજબ તેની બહેન અને વસીમની પત્ની શહેનાઝ થોડા દિવસથી રિસામણે આવી હોય તે બાબતનો ખાર રાખી વસીમે સોમવારે સાંજે તેણી પર મરચાની ભૂક્કી છાંટી ગાળો ભાંડી જાનથી મારી નાખવાની ધમકી આપી હતી. ઉલ્લેખનીય છે કે, મંગળવારે વસીમે પોતાની પત્ની સહિત ત્રણ સામે ફરિયાદ કર્યા પછી તેની સામે પણ વળતી ફરિયાદ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
