Author: નોબત સમાચાર
અગિયારમા શાહી સમૂલગ્નોત્સવનું આયોજન
જામનગર તા.રપ : જામનગરના વાળંદ જ્ઞાતિ યુવક મંડળ (ગુલાબનગર) દ્વારા આગામી તા. ર૭-૪-ર૪ ના દિને જામનગર-રાજકોટ ધોરીમાર્ગ ઉપર સાંઢીયા પુલ પાસે ગ્રીન ફીલ્ડ પાર્ટી પ્લોટમાં જ્ઞાતિના અગિયારમાં શાહી સમૂહ લગ્નોત્સવનું આયોજન કરવામાં આવ્યું છે.
આ સમૂહ લગ્નોત્સવમાં ૧૦ નવ યુગલો લગ્નગ્રંથીથી જોડાશે આ પ્રસંગે જામનગરના સ્વામિનારાયણ મંદિરના પૂ. સ્વામી ચતુર્ભુજદાસજી મહારાજ આશીર્વાદ આપવા પધારશે. તા. ર૭-૪ ના બપોરે ર વાગ્યે જાન આગમન, ૩ વાગ્યે સામૈયા, સાંજે પાંચ વાગ્યે હસ્ત મેળાપ, છ વાગ્યે સત્કાર સમારંભ, સાંજે ૭ વાગ્યે સમૂહભોજન સમારંભ અને રાત્રે ૯ વાગ્યે જાન વિદાય થશે.
આ સમૂહલગ્ન પ્રસંગે સંસદસભ્ય પૂનમેબન માડમ, ધારાસભ્યો રિવાબા જાડેજા, દિવ્યેશભાઈ અકબરી, પૂર્વ મંત્રી ધર્મેન્દ્રસિંહ જાડેજા (હકુભા જાડેજા), જિલ્લા સહકારી બેંકના ચેરમેન જીતુભાઈ લાલ, ભાજપ સંગઠનના હોદ્દેદારો, મેયર, ડે.મેયર સ્થાયી સમિતિના ચેરમેન તથા જિ.પં. ઉપપ્રમુખ ઉપસ્થિત રહેશે.
આ સમૂહ લગ્નોત્સવના મુખ્ય દાતા તરીકે સોલંકી પરિવાર તથા ભોજન સમારંભ દાતા તરીકે લખતરીયા પરિવારે સહયોગ આપ્યો છે. જ્યારે કરીયાવરના દાતા તરીકે લખતરીયા પરિવાર અને સ્વ. પ્રભાબેન ભગવાનજીભાઈ વાઘેલા મેમો. ટ્રસ્ટે સહયોગ આપ્યો છે. આ ઉપરાંત જ્ઞાતિના અન્ય દાતાઓએે પણ આર્થિક સહયોગ આપ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
