Author: નોબત સમાચાર
મોટર ભાડે લઈ જવાનું કહી જામનગર તથા રાજકોટના શખ્સે બતાવ્યો ઠેંગો
પચ્ચાસમાંથી પાંચ આસામીએ નોંધાવી પોલીસ ફરિયાદઃ
જામનગર તા. ૨૫: રાજકોટમાં જુદા જુદા આસામીઓ પાસેથી મોટર ભાડે લઈ ગયા પછી જામનગર તથા રાજકોટના બે શખ્સે પ૦ જેટલી મોટર તેના મૂળ માલિકોને પરત ન કરી કરોડોનું કૌભાંડ આચર્યાની વિગતો બહાર આવી રહી છે. અત્યાર સુધીમાં આ શખસો સામે પાંચ આસામીએ છેતરપિંડીની ફરિયાદ કરી છે.
રાજકોટમાં ખાનગી ટ્રાવેલ્સનો વ્યવસાય કરતા કેટલાક આસામીઓ પાસેથી મોટર ભાડે લઈ જવાનું બહાનુ બતાવી જામનગર તથા રાજકોટના બે શખ્સે સંખ્યાબંધ મોટરો છેતરપિંડીથી પડાવી લઈ તેને બારોબારી વેચી નાખ્યાની પોલીસમાં ફરિયાદ થઈ હતી.
તેની શરૂ કરાયેલી તપાસમાં જામનગરના રણજીત સાગર રોડ પર હર્ષદ મીલની ચાલીમાં રહેતા બિલાલશા હસનશા શાહમદાર તથા રાજકોટના કોઠારીયા ગામમાં રહેતા આકાશ ગોગનભાઈ પટેલ ઉર્ફે અક્કી નામના શખ્સો સામે ફરિયાદ કરાઈ હતી. આ શખ્સોએ ખાનગી ટ્રાવેલ્સના સંચાલકો પાસેથી જુદા જુદા સમયે ૫૦ મોટર ભાડે મેળવી તેના માલિકોને પરત કરી નથી. આ શખ્સોએ કરોડોની કિંમતની મોટરો આવી રીતે પડાવી લીધી છે. રાજકોટના જુદા જુદા આસામીઓ ફરિયાદ માટે પોલીસ સમક્ષ આવી રહ્યા છે ત્યારે અત્યાર સુધીમાં બંને શખ્સ સામે પાંચ ફરિયાદ નોંધાઈ ચૂકી છે. આ કૌભાંડ કરોડોમાં પહોંચશે તેમ લાગી રહ્યું છે ત્યારે પોલીસે આવી મોટર વેચાતી કે ગિરવે મેળવનાર શખ્સો પાસેથી મોટર પરત મેળવવા તજવીજ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
