Author: નોબત સમાચાર
૩૭ કરોડના બીલ બનાવી જીએસટી ચોરી આચરનાર આરોપીના આગોતરા નામંજૂર
બંધ પેઢીના નામે આરોપીએ કરી નાખ્યા હતા ટ્રાન્ઝેક્શનઃ
જામનગર તા.૨૮ : જામનગરની એક પેઢી બંધ કરી દેવામાં આવ્યા પછી તેના ભાગીદારને ફરીથી ધંધો શરૂ કરવાની અને નફો રળી આપવાની લાલચ બતાવી એક શખ્સે બંધ પેઢીના કેટલાક કાગળો મેળવી પેઢીના નામે રૂ. ૩૭ કરોડના ટ્રાન્ઝેક્શન કરી નાખ્યા હતા. આ બાબતની પોલીસમાં ફરિયાદ થતાં જીએસટી ચોરીના આ ગુન્હામાં ધરપકડ ટાળવા આરોપીએ કરેલી આગોતરા જામીન અરજી નકારાઈ છે.
જામનગરમાં રહેતા અને હાલમાં ડ્રાઈવીંગનું કામ કરતા મિત રસીકભાઈ ગડારા નામના આસામીએ અગાઉ એપેક્સ ઈન્ડસ્ટ્રીઝ નામનું કારખાનું ભાગીદારીમાં શરૂ કર્યા પછી બંધ કર્યું હતું. આ પેઢી માટે જે તે વખતે જીએસટી નંબર લેવામાં આવ્યા હતા. પેઢી બંધ કર્યા પછી એકાદ વર્ષ સુધી તેમાં કોઈ ટ્રાન્ઝેક્શન થયા ન હતા.
તે પછી હનીફ કાસમ શેખ સાથે મીત ગડારાનો સંપર્ક થયો હતો. જેમાં હનીફે તેને ભાગીદાર બનાવી ધંધો કરવાની અને નફો આપવાની લાલચ બતાવી પેઢીના દસ્તાવેજ, ચેકબુક, સીમકાર્ડ, એટીએમ કાર્ડ મેળવી લઈ તેમાં રૂ. ૩૭ કરોડ જેટલી રકમના ખરીદ વેચાણના ટ્રાન્ઝેક્શન કરી નાખ્યા હતા. બનાવટી જીએસટી બીલ બનાવી રૂ. પ કરોડ ઉપરાંતની પુરાંત પણ જમા લઈ લીધી હતી. તેની જાણ થતાં મિત ગડારાએ પોલીસ ફરિયાદ નોંધાવી હતી.
ઉપરોક્ત ગુન્હામાં પોલીસ પોતાની ધરપકડ કરશે તેવી આશંકાથી હનીફ કાસમ શેખે આગોતરા જામીન મેળવવા કોર્ટમાં અરજી કરી હતી. તેની સામે ફરિયાદ પક્ષે કરેલી દલીલો ગ્રાહ્ય રાખી અદાલતે આરોપીની આગોતરા જામીન અરજી નકારી કાઢી છે. મૂળ ફરિયાદી તરફથી વકીલ રાજેશ ગોસાઈ, વિશાલ જાની, એચ.આર. ગોહિલ, રજનીકાંત નાખવા, નિતેશ મુછડીયા રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
