Author: નોબત સમાચાર
સરમત ગામની વાડીમાંથી ઝડપાઈ વોડકા તથા ઈંગ્લીશ દારૂની બોટલ
બે શખ્સની ધરપકડઃ એક આરોપીનું નામ ખૂલ્યું:
જામનગર તા.ર૮ : જામનગર-ખંભાળિયા રોડ પર સરમત ગામમાં એક વાડીમાં પોલીસે ગઈરાત્રે પૂર્વ બાતમીના આધારે દરોડો પાડી વોડકાના ૪૮ ચપટા અને દારૂની ૪૦ બોટલ સાથે સરમત ગામના બે શખ્સને પકડી પાડ્યા છે. આ શખ્સોએ સાગરિતનું નામ પોલીસને આપ્યું છે. લાલપુરમાં એક શખ્સ દારૂની બોટલ સાથે મળી આવ્યો છે.
જામનગર તાલુકાના સરમત ગામમાં આવેલા એક ખેતરમાં દારૂનો જથ્થો પડ્યો હોવાની બાતમી પરથી ગઈરાત્રે સિક્કા પોલીસ સ્ટેશનના સ્ટાફે દિનેશ કાનાભાઈ ભાંભી નામના શખ્સના ખેતરમાં દરોડો પાડ્યો હતો. ત્યાંથી શૈલેષ ખીમાભાઈ ભાંભી, સંજય રમેશભાઈ ભાંભી નામના બે શખ્સ મળી આવ્યા હતા. વાડીમાંથી વોડકા ના ૪૮ ચપટા, વ્હીસ્કીની જુદી જુદી ત્રણ બ્રાંડની ૪૦ બોટલ સાથે ઝડપાઈ ગયા હતા.
પોલીસે બે મોબાઈલ સહિત કુલ રૂ. ૩૪૮૦૦નો મુદ્દામાલ કબજે કરી બંને શખ્સની ધરપકડ કરી છે. આરોપીઓએ પોતાના સાગરિત જુનાગઢના જયંતી બથવારનું નામ આપ્યું છે. લાલપુર શહેરના બસ સ્ટેન્ડ પાસેથી રવિ બાવનજી સોલંકી નામનો શખ્સ દારૂની બોટલ સાથે ઝડપાઈ ગયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
